Страстная пятница - это день печали, скорби и траура у всех верующих, ведь в этот день был измучен и распят наш Спаситель Иисус Христос. В этот день мы вспоминаем взятие Иисуса в Гефсиманском саду, суд над Господом нашим, его мучения в последние минуты земной жизни, распятие на кресте, а так же снятие с креста и погребение
В этот день в храмах происходит вынос Плащаницы, которую выносят из алтаря и устанавливают в центре храма на возвышении, которое символизирует «гроб Господень». Возвышение украшают цветами и используют благовония, в центр Плащаницы кладут Евангелие
Вечером совершается крестный ход и Плащаницу обносят вокруг храма под погребальный колокольный звон. Это называют особым Чином погребения Плащаницы, в конце которого Плащаницу подносят к Царским вратам, а затем возвращают на середину храма, где Плащаница пробудет до вечера Великой Субботы, чтобы ей могли поклонится православные верующие
Что же нужно делать верующим в этот день. Самое главное - это вспомнить о том, что во имя спасения
нас грешных пострадал невинный, безгрешный человек. Вот как советует провести этот день протоиерей Андрей Ткачев:
...Оставьте суету! За нас Христос распят!.. Надо взять сегодня и прочесть Евангелие от Матфея, Марка, Луки и Иоанна хотя бы в той части, где говорится о страданиях Безгрешного. Грешники страдать должны, в страданиях грешника нет ничего удивительного, а вот ужас страдания Христова заключается в том, что Он невинен, в страданиях невинного...
Ниже я опубликую текст Евангелие, которое вдумчиво нужно прочитать в Великую пятницу всем православным верующим:
От Матфе́а свята́го Ева́нгелиа чте́ние.
Сла́ва Страсте́м Твои́м, Го́споди.
Евангелие от Матфея, зачала 110-113:
Во вре́мя оно, у́тру бы́вшу, сове́т сотвори́ша вси архиере́е и ста́рцы людсти́и на Иису́са, я́ко уби́ти Его́. И связа́вше Его́ ведо́ша, и преда́ша Его́ Понти́йскому Пила́ту иге́мону. Тогда́ ви́дев Иу́да преда́вый Его́, я́ко осуди́ша Его́, раска́явся возврати́ три́десять сре́бреники архиере́ем и ста́рцем, глаго́ля: согреши́х, преда́в кровь непови́нную. Они́ же ре́ша: что́ есть нам? ты у́зриши. И пове́рг сре́бреники в це́ркви, оти́де, и шед удави́ся. Архиере́е же прие́мше сре́бреники, ре́ша: недосто́йно есть вложи́ти их в корва́ну, поне́же цена́ кро́ве есть. Сове́т же сотво́рше, купи́ша и́ми село́ скуде́льниче, в погреба́ние стра́нным. Те́мже нарече́ся село́ то, Село́ Кро́ве, до сего́ дне. Тогда́ сбы́стся рече́нное Иереми́ем проро́ком глаго́лющим: и прия́ша три́десять сре́бреник, цену́ Цене́ннаго, Его́же цени́ша от сыно́в Изра́илев: И да́ша я на селе́ скуде́льничи, я́коже сказа́ мне Госпо́дь. Иису́с же ста пред иге́моном, и вопроси́ Его́ иге́мон, глаго́ля: Ты ли еси́ Царь Иуде́йский? Иису́с же рече́ ему́: ты глаго́леши: и егда́ Нань глаго́лаху архиере́е и ста́рцы, ничесо́же отвеща́ваше. Тогда́ глаго́ла Ему́ Пила́т: не слы́шиши ли, коли́ко на Тя свиде́тельствуют? И не отвеща́ ему́ ни к еди́ному глаго́лу, я́ко диви́тися иге́мону зело́. На всяк же пра́здник обы́чай бе иге́мону отпуща́ти еди́наго наро́ду свя́зня, его́же хотя́ху. И́мяху же тогда́ свя́зана наро́чита, глаго́лемаго Вара́вву. Со́бранным же им, рече́ им Пила́т: кого́ хо́щете от обою́ отпущу́ вам? Вара́вву ли, или́ Иису́са глаго́лемаго Христа́? Ве́дяше бо, я́ко за́висти ра́ди преда́ша Его́. Седя́щу же ему́ на суди́щи, посла́ к Нему́ жена́ его́, глаго́лющи: ничто́же тебе́, и Праве́днику Тому́: мно́го бо пострада́х днесь во сне Его́ ра́ди. Архиере́е же и ста́рцы наусти́ша наро́ды, да испро́сят Вара́вву, Иису́са же погубя́т. Отвеща́в же иге́мон рече́ им: кого́ хо́щете от обою́ отпущу́ вам? Они же ре́ша: Вара́вву. Глаго́ла им Пила́т: что́ у́бо сотворю́ Иису́су, глаго́лемому Христу́? Глаго́лаша ему́ вси: да распя́т бу́дет. Иге́мон же рече́: ко́е у́бо зло сотвори́? Они́ же и́злиха вопия́ху, глаго́люще: да про́пят бу́дет. Ви́дев же Пила́т я́ко ничто́же успева́ет, но па́че молва́ быва́ет, прие́м во́ду, умы́ ру́це пред наро́дом, глаго́ля: непови́нен есмь от кро́ве пра́веднаго Сего́, вы у́зрите. И отвеща́вше вси лю́дие ре́ша: кровь Его́ на нас, и на ча́дех на́ших. Тогда́ отпусти́ им Вара́вву: Иису́са же бив, предаде́ им, да Его́ про́пнут. Тогда́ во́ини иге́моновы прие́мше Иису́са на суди́ще, собра́ша Нань все мно́жество во́ин. И совле́кше Его́, оде́яша Его́ хлами́дою червле́ною. И сплетше вене́ц от те́рния, возложи́ша на главу́ Его́: и трость в десни́цу Его́: и покло́ншеся на коле́ну пред Ним, руга́хуся Ему́, глаго́люще: ра́дуйся, Царю́ Иуде́йский. И плю́нувше Нань, прия́ша трость, и бия́ху по главе́ Его́. И егда́ поруга́шася Ему́, совлеко́ша с Него́ багряни́цу, и облеко́ша Его́ в ри́зы Его́: и ведо́ша Его́ на пропя́тие. Исходя́ще же обрето́ша челове́ка Кирине́йска, и́менем Си́мона: и сему́ заде́ша понести́ Крест Его́. И прише́дше на ме́сто нарица́емое Голго́фа, е́же есть глаго́лемо кра́ниево ме́сто, да́ша Ему́ пи́ти о́цет с же́лчию смеше́н: и вкуш не хотя́ше пи́ти. Распе́ншии же Его́, раздели́ша ри́зы Его́, ве́ргше жре́бия. И седя́ще стрежа́ху Его́ ту. И возложи́ша ве́рху главы́ Его́ вину́ Его́ напи́сану: Сей есть Иису́с Царь Иуде́йский. Тогда́ распя́ша с ним два разбо́йника: еди́наго одесну́ю, и еди́наго ошу́юю. Мимоходя́щии же хуля́ху Его́, покива́юще глава́ми свои́ми, и глаго́люще: разоря́яй це́рковь, и тре́ми де́ньми созида́яй, спаси́ся Сам: а́ще Сын еси́ Бо́жий, сни́ди со Креста́. Та́кожде же и архиере́е, руга́ющеся с кни́жники и ста́рцы и фарисе́и, глаго́лаху: ины́я спасе́, Себе́ ли не мо́жет спасти́? А́ще Царь Изра́илев есть, да сни́дет ны́не со Креста́, и ве́руем в Него́. Упова́ на Бо́га, да изба́вит ны́не Его́, а́ще хо́щет Ему́: рече́ бо, я́ко Бо́жий есмь Сын. То́жде же и разбо́йника распя́тая с Ним поноша́ста Ему́. От шеста́го же часа́ тьма бысть по всей земли́, до часа́ девя́таго. О девя́том же часе́ возопи́ Иису́с гла́сом ве́лиим, глаго́ля: Или́, Или́, лима́ савахфани́? Е́же есть Бо́же Мой, Бо́же Мой, вску́ю Мя еси́ оста́вил? Не́цыи же от ту стоя́щих слы́шавше, глаго́лаху: я́ко Илию́ глаша́ет Сей. И а́бие тек еди́н от них, и прие́м губу́, испо́лнив же о́цта, и вонзе́ на трость, напая́ше Его́. Про́чии же глаго́лаху: оста́ви, да ви́дим, а́ще прии́дет Илиа́ спасти́ Его́. Иису́с же па́ки возопи́в гла́сом ве́лиим, испусти́ дух. И се заве́са церко́вная раздра́ся на дво́е, с вы́шняго кра́я до ни́жняго: и земля́ потрясе́ся, и ка́мение распаде́ся. И гро́би отверзо́шася: и мно́га телеса́ усо́пших святы́х воста́ша: и изше́дше из гроб по воскресе́нии Его́, внидо́ша во Святы́й град, и яви́шася мно́зем. Со́тник же и и́же с ним стрегу́щии Иису́са, ви́девше трус и бы́вшая, убоя́шася зело́, глаго́люще: вои́стинну Бо́жий Сын бе Сей. Бя́ху же ту и же́ны мно́ги издале́ча зря́щя, я́же идо́ша по Иису́се от Галиле́и, служа́щя Ему́. В ни́хже бе Мари́а Магдали́на, и Мари́а Иа́ковля, и Иоси́и ма́ти, и ма́ти Сы́ну Зеведе́ову.