"Віербна Недѣліа" - тако обыкновенно в народу сѧ зовут праздник Входа Господа в Іерусалем. Православни христиане спѣхут до църквы съ свѧзками пухливых віерб. Радостно предчуіство прииде до средца, бо чрез седмицу іе Пасха. Поглѣдаме до повѣсти праздника.
То быше ранніа весна 30 г. до Р. Х. В Іерусалем іуж прибыше воинскы намѣстник Понтиі Пилат абы поглѣдати за повсталыми поданниками. Близко іе жидовска Пасха. Шест дніеі пред неі Христос иде до градскых врат, бѫді-то желѧчи возидти на престол, първо позволѧчи сѧ зовати Царом. То іе остатноі пробоі оразумити ліудеі од политичных засмут, указуіѫчи истинскы характер Царства си "не од оваго міра". Тому под Іисусом не іе боіовы коні, а кроткы осел, означѧщи мир. Ама ліуди махут палмовыми вѣтвами и кричут "Осанна!" (Спасаі нас!"). Они чѧкут, же Он іави божествену силу и зничтожи римскых окупантов. И хте прииде вѣчно Месианско Царство. Але Христос не бѫде их ничтожити и мѣнати политичны устроі міра - то не има смысла, бо трѣба з почѧтку поновити моралності.
Хте минут четыри дни, и невѣрни ученикы одбѣгут в страху од Него из Гетсиманскаго сада ночіу, залишившы Учителіа в рѫках стражников. А толпа, днесі привѣтаіѫчи Го радостными криками, бѫдет озлобено кричати ‐ "Разпни, разпни Го!". Он хте измами іѣіни надѣіности...
Наподобѧчи совремѧникам Христа, мы такодже сосретами Го с зелеными вѣтвами в рѫках си. Христиане Изтока - од финиковых палем, од лавра, с квѣтами. Христиане Сѣвера - поневолно од віерб, първых древѣс, кторы зеленут по веснѣ. Ихни пухливы пѫчкы твърдо іесу воидали в народны живот и закрѣпиху в фолклору. В послѣдно времѧ даже католикы в овоі мѣстности преіимаху обычаі приходити в храмы с віербами.
