Господи, Боже, Вседержителю, призри на насъ грѣшныхъ и недостойныхъ чадъ Твоихъ, согрѣшившихъ предъ Тобою, прогнѣвавшихъ благость Твою, навлекшихъ гнѣвъ Твой праведный на ны, падшихъ во глубину грѣховную. Ты зриши, Господи, немощь нашу и скорбь душевную, вѣси растлѣнiе умовъ и сердецъ нашихъ, оскудѣнiе вѣры, отступленiе отъ заповѣдей Твоихъ, умноженiе нестроенiй семейныхъ, разъединенiя и раздоры церковныя, Ты зриши печали и скорби нашѧ, отъ болѣзней, гладовъ, потопленiя, запаленiя и междоусобной брани происходящiя. Но Премилостивый и Человѣколюбивый Господи, вразуми, настави и помилуй насъ, недостойныхъ исправи жизнь нашу грѣховную, утоли раздоры и нестроенiя, собери расточенныя, соедини разсѣянныя, подаждь миръ странѣ нашей и благоденствiе, избави ю отъ всякихъ бѣдъ и несчастiй. Всесвятый Владыко, просвѣти разумъ нашъ свѣтомъ ученiя Евангельскаго, возгрѣй сердца наша теплотою благодати Твоея и направи я къ дѣланiю заповѣдей Твоихъ, да прославится въ насъ всесвятое и преславное имя твое, Отца и Сына и Святаго духа, нынѣ и во вѣки вѣковъ.
Изъ акаθиста Пресвятѣй Богородицѣ, явленiя ради чудотворныя ея иконы Державныя.