Егри-Ҧсоуи рыбжьара ишьҭоуп Аҧсынра. Аҧсуа итәыла, иаҳра, идгьыл гәакьа. Анцәа ихазы иалихыз аҭыҧ ссир ҳара иаҳзынижьит. Еицырдыруа аҳәамҭа хыҭҳәаазаргьы, иҵабыргушәа иҟоуп. Ҳтәылеиҧш ихаау, иҧшӡоу, иблахкыгоу атәылақәа рыҧшаара уадаҩуп. Аха ҳашҧазныҟәо уи ҳара?
Ҳаалаган атәыла азакәан хада, а-6-тәи ахәҭаҷ иҭагӡаны, ианаҳҵеит аҧсуа бызшәада ҳтәылаҿ даҽа ҳәынҭқарратә бызшәа шыҟам. Аурыс бызшәа аҳәынҭқарратә ҩаӡара амҭакәа иҳаӡбеит ҳхы иаҳархәарц жәларбжьаратә бызшәак аҳасабала.
Анаҩс иҟалеит иҟамлашаз. Ҳалагеит аҧсшәа мшызҳа ирацәаны амш алагара. Уи ҳара иаазаҳамуц акгьы ыҟам. Иазаҳухьеит лажәхарҧа. Ӷәӷәала игәыгәҭаҳажьт. Чарҳәара азуны ҳахыччо ҳалагеит. Шәнеи аҧсуа қыҭақәа рахь. Шәрылаҧш ҳақалақьқәа. Аҩырақәа иаҳҧыхьашәо бжеиҳаӡан урыс бызшәала ихыркуп. Ҳжәабжьырҳарбагақәа ирҳәо урысшәоуп, аҧсшәа иазҧагьоуп, рҿаҿы иаауам. Ҳхарарбагақәа ҭәуп урысшәала имҩаҧысуа адырраҭарақәа рыда. Ҳусбарҭақәа ҭәуп аҧсышәала изымцәажәо, ма ицәажәо, аха изҭахым аусзуҩцәа рыла.
Аҧсуаҭҵаара рацәа иагуп. Ажәарқәа еиӷьны аус рыдулатәуп. Аҧсышәала имҩаҧысуа аигәныҩра шьақәыргылатәуп. Ҳарзаҳалқәа, иагьа иаҳцәыуадаҩзаргьы, аҧсышәала рыҩра ҳалагароуп. Шәҟәык аҧсышәала усбарҭак иалазҵо ауаҩы дҳамамкәа ҳанхеит. Абри азоума Аҧсны зхы зақәырҵаз ҳҵеицәеи ҳҭыҧҳацәеи, ҳашьцәеи ҳабацәеи?
Ари азҵаара ду иаламцәажәац аӡә дыҟоуп ҳәа сыҟам. Лацәажәа згым аус лассы иӡбахароуп, ҳхы ҳаҭыр ақәаҳҵозар. Аиашазы, ақырҭқәа, аҧсуаа ҳаҧсшәа зықәҳаршәаз анырба, ачча иакуа иалагеит. Уи ганкахьала. Даҽаганкахьала ирбеит ҳара Аҧсни аҧсуа бызшәеи ҳашьрышьҭам. Аҧсны ҳара иаҳҭахуп иамоу амал хылаҧшрада анырҵәаразы. Аҧсшәа акәзар, ҳара ҳахьтә аӡәырҩы уи абызшәала изцәажәаӡом, аха рымцәажәара еиҳараӡак иҧхьаршьаӡом. Исҭахым нҵамҭа дула шәгәы ҧысҵәар. Убри аҟныть, санҵамҭа абраҟа иааныскылоит. Абзиа шәаҳалааит аринахыс!