Было лѣто сухо, и земіедѣіцы сиречі фармеры, ктори жиіели в невелікоі віеси, были смутни о том, что бѫде с ихным уроджаіем. В іедну недѣліу послѣ Литургіи они запытаху пастара о совѣтѣ.
- Отче, трѣбаме да нѣчто дѣіаме, инако хте сгине уроджаі!
- Всіе, же трѣбате - то іе да молите с абсолутноі вѣроі. Молитва без вѣры неіе молитвоі. Та муси изходити од средца, - одповѣдише им пастар.
Всіу настепну седмицу земіедѣіцы сѧ сбираху дваджы надніу и сѧ молиху даби Бог послал им дъждж. В недѣліу они прийдаху до пастара.
- Ничто не выходи, отче! Мы каждоденно сѧ сбераме вкупно и молиме, а дъждж всіе не іе.
- Направду ли молите с вѣроі? - запыташе их пастар.
Те стаху увѣрати го, же направду. Іеднак пастар одпраше:
- Знам, же молите без вѣры, бо ни іеден од вас, идучи доздѣ, не іе взѧл с собом дъжджника.
