Саха АССР тэриллибитэ 100 сылыгар🌟🌟🌟
ӨРӨСПҮҮБҮЛҮКЭТЭЭҔИ «НОРУОТ ЫРЫАТА» ХИТ-ПАРАДКА КЫТТАРГЫТЫГАР ЫҤЫРАБЫТ!🔊🔊🔊
Кулун тутар 28 күнэ - ыам ыйын 22 күнэ🌿🌿🌿
💠Тэрээһин туһунан:
«Ситим» медиа-бөлөх https://kyym.ru иһитиннэрэр-сырдатар аан Автономиялаах өрөспүүбүлүкэ тэриллибитэ 100 сылынан муусука, ырыа, култуура идэтигэр анал үөрэҕэ суох улахан дьоҥҥо норуот сөбүлээн ыллыыр төрүт сахалыы матыыптаах ырыаларын толорууга кулун тутар 28 күнүттэн ыам ыйын 22 күнүгэр диэри видеонан күрэс ыытар. Кыайыылаахтары дьүүллүүр сүбэ быһаарар, көрөөччү биһирэбилин иһин куоластааһын ыытыллар. Кыайыылаахтарга харчынан бириис, көрөөччү биһирэбилин ылбыкка сыаналаах бириис туттарыллар.
💠Сүрүн сыала:
Сахабыт сиригэр Ыраахтааҕылаах Арассыыйа, өрөгөйдөөх Сэбиэскэй Өрөспүүбүлүкэ кэмигэр айыллан, норуот уоһуттан түспэккэ ылламмыт эбэтэр төттөрүтүн умнуллан хаалбыт саха ырыаларын аныгы олоххо эргитии, киэҥ эйгэҕэ тарҕатыы, дойдубут араас муннуктарыгар олорор саҥа талааннары арыйыы.
💠Бириис пуондата:
I миэстэ – 20 000 («Саха сирин тимир суоллара» АК)
II миэстэ – 15 000 («Өлүөнэтээҕи өрүс пароходствота» ПАУо)
III миэстэ – 10 000 (М.К. Аммосов аатынан ХИФУ үлэһиттэрин идэлээх сойууһа
Көрөөччү биһирэбилэ – 5 000 солк. сыаналаах бириис («Камелек home» маҕаһыын)
💠БАЛАҺЫАННЬАТА:
Күрэскэ муусука, ырыа, култуура идэтигэр анал үөрэҕэ суох 18-тан үөһэ саастаах биирдиилээн дьон кытталлар. Бөлөҕүнэн кыттыы көҥүллэммэт.
📍Ыытыллар ситимэ:
https//: kyym.ru саайт уонна Кыым.ру Яндекс.Дзен ситимэ
📍Ыытыллар болдьоҕо:
1️⃣ Видеолары тутуу – кулун тутар 28 күнүттэн муус устар 29 күнүгэр диэри (ол эбэтэр 28.04. түүн 12 чааска диэри).
2️⃣ Көрөөччү биһирэбилин талар куоластааһын – ыам ыйын 5 күнүттэн ыам ыйын 19 күнүгэр түүн 12 чааска диэри (бу кэмтэн атын күҥҥэ киирбит куоластар ааҕыллыбаттар).
3️⃣ Уопсай түмүгү таһаарыы - ыам ыйын 22 күнүгэр https//: kyym.ru саайт уонна Кыым.ру Яндекс.Дзен ситимигэр
4️⃣ Көрөөччү биһирэбилин талыыга кыайыылаах аатын ылбыт кыттааччы кыайар түгэнигэр көрөөччү биһирэбилэ кини кэнниттэн кэлэр кыттааччыга тиксэр.
📍Ырыаны толорууга уонна уһулууга ирдэбиллэр:
1. Ааптара суох сахалыы матыыптаах норуот ырыаларын тыыннаах (акапелла) толорууну тутабыт
2. Сахалыы матыыптаах норуот ырыатыгар майгынныыр, ааптардаах, сэбиэскэй кэм ырыаларын тыыннаах (акапелла) толорууну тутабыт.
3. Толоруу норуот үнүстүрүмүөнүнэн, баянынан эбэтэр гитаранан доҕуһуолланара көҥүллэнэр.
4. Ырыалары толорууга фонограмманы туһаныы көҥүллэммэт.
5. Толорууну үчүгэй камералаах төлөпүөҥҥэ эбэтэр видеокамераҕа сытыары тутан уһулар ирдэнэр.
6. Уһулуу уһуна ырыа уһунун курдук кээмэйдээх буолара ирдэнэр.
7. Уһулууну 8 (914) 820 09 75 нүөмэргэ Telegram (телеграм) ситиминэн эбэтэр kyymgazeta@gmail.com электроннай почтаҕа ыытаҕыт.
8. Сайаапкаҕа толору ааккытын, олорор сиргитин уонна бэйэҕит туһунан кылгастык суруйан ыытаргыт булгуччулаах.
9. Кыттыы усунуоһа – 300 солк. Күрэскэ төлөммүт эрэ толоруулар кытталлар.
10. Ыйытыылаах буоллаххытына, ыйыллыбыт нүөмэргэ бассаабынан суруйан эбэтэр эрийэн билсиэххитин сөп.
💠ХИТ-ПАРАДКА КЫТТЫҺЫҤ, САСПЫТ ТАЛААНЫ АРЫЙЫҤ!💫💫💫