Әл-Фараби атындағы Қазақ Ұлттық Университетінің Экономика және бизнес Жоғары мектебінің "Қаржы және есеп" кафедрасы 2019 жылы ресми түрде құрылған болатын. Бұл кафедра бухгалтерлік есеп және аудит, қаржы саласында бәсекеге қабілетті, жоғары білікті мамандарды даярлайтын ең мықты кафедралардың бірі болып табылады. "Қаржы және есеп" кафедрасы қазақ, орыс, ағылшын тілдерінде оқытады. Кафедра отандық және халықаралық аудиторлық компаниялармен, консалтингтік компаниялармен келісім-шарттар жасаған. «Бухгалтерлік есеп және аудит» бағытына келсек, департаментте CIPA бағдарламасы бойынша сертификатталған бухгалтерлерді даярлау орталығы құрылды. Кез келген адам CIPA халықаралық бағдарламасына ие болу үшін оқудан өтіп, емтихан тапсыра алады. Ал «Қаржы» бағытын алатын болсақ, бұл жоғары білімді мамандарды банк, салық жүйесінде, сақтандыру компанияларында және түрлі шаруашылық құрылымдарда жұмыс істеуге дайындайтын мамандық. Кафедра шетелдік және отандық тәжірибені пайдалана отырып, оқу үдерісінде жоғары кәсіби деңгейдегі экономистер, қаржыгерлер және банкирлерді даярлауға өз үлесін қосты. Профессорлар мен оқытушылар бірнеше мың ғылыми және оқу-әдістемелік жұмыстардың авторлары болып табылады.Осылайша жыл сайын жас мамандарды дайындап отырған жас кафедра еліміз үшін бәсекеге қабілетті мамандарды даярлауға өз үлесін қосып келеді.
Әл-Фараби атындағы ҚазҰУ-нің «Есеп және аудит» мамандығының
4 курс студенті Абдыкаримова Динара Маратовна
Аға оқытушы - Когут Оксана Юрьевна