Саха норуота былыр-былыргыттан Ийэ5э сугуруйэр угэстээх.Тыйыс айыл5алаах, ирбэт тоцноох, уьулуччу ыарахан усулуобуйа5а о5о теретен, улаатыннаран, ус саханы уескэтэн, туерт саханы тэнитэн, норуоту норуот дэтэн, кун бугунугэр тиэрдибит Ийэлэр буоллахтара. Ийэ-эбээ сылаас тыына, истиц иэйиитэ кими ба5арар оло5ун устата арыаллыыр.Ыал иллээх оло5ор ийэ оруола олус улахан суолталаах.
"Хас биирдии киһи ийэттэн төрүүр. Уопсастыба инники дьылҕата ийэ оҕотун хайдах иитэн-үөрэтэн таһаарарыттан тутулуктаах. Ийэлэр оҕолорун тапталга уонна кыһамньыга ииттэхтэринэ, оҕо дойдутугар итэҕэллээх инникитигэр эрэллээх буолар. Онон ийэ суолтатын үрдэтэр, тустаах болҕомтону уурар сыалтан 2022 сылы ийэ сылынан биллэрдим"— диэн биһи дойдубут Аҕа Баһылыга Айсен Николаев биллэрбитэ.
Онтон биһиги Сунтарбыт улууһугар 2022 сыл - "Дьиэ кэргэн" сылынан биллэриллибитэ.Олунньу 22 күнүгэр Дьиэ кэргэн сылын үөрүүлээхтик аһар тэрээһиҥҥэ улууспут иллээх- эйэлээх, үтүө үлэһит дьиэ кэргэттэрэ ыҥырыллан чиэстэммиттэрэ, дьиэ кэргэн туһунан саҥа ырыа сүрэхтэммитэ.Сунтаарбыт улууһун аҕа баһылыга Григорьев А.В саҥа сылга дьиэ кэргэн сылынан улууска ыытыллыахтаах араас тэрээһиннэр торумнарын билиһиннэрбитэ.
Биһиги оскуолабыт улууска ыытыллар араас тэрээһиннэртэн туора турбакка көхтөөхтүк кыттар. Ол чэрчитинэн волонтерскай үлэ ыытыллан кылаастар элбэх оҕолоох дьиэ кэргэттэрин бэлиэтээн, болҕомто ууралларыгар сүбэ соргу бэриллэн араас тэрээһиннэр буолаллар.
Биhиги кылааспытыгар 11 дьиэ кэргэн - элбэх о5олоох ыаллар ахсааннарыгар киирэллэр. Ол дьиэ кэргэттэртэн биирдэстэрэ - Петров Никаэль дьиэ кэргэнэ.
Каникул кэмигэр, биир үтүө сааскы ылааҥы күҥҥэ, кылааспыт салайааччытынаан Петровтар дьиэ кэргэннэригэр, элбэх оҕолоох дьиэ кэргэн күннээҕи түбүгүн билсиһэр сыаллаах, торт астаан кэһиилэнэн бара сырыттыбыт. Хата бары дьиэлэригэр бааллар эбит, биһигини үөрэ - көтө көрүстүлэр. Саха ыалын сиэринэн сандалы остуолга олордон маанылаатылар, ирэ – хоро кэпсэттибит, элбэх оҕолоох дьиэ кэргэн күннээҕи түбүгүн билсистибит.
Кинилэр бииргэ тереебуттэрэ тоҕустар - 3 уол уонна 6 кыыс. Ийэлэрэ Ирина Николаевна дьиэ хаһаайката, а5ата Виктор Михайлович ЖКХ тэрилтэҕэ слесарь сантехнигынан үлэлиир. Кинилэр ыал буолан олорбуттара быйыл 20 сылын туолар. Улахан кыыстара Бүлүүтээҕи Педколледжка 1 кууруска үөрэнэр. Виталина быйыл 11 кылааһы бутэрэр. Нюргун 10 кылааска, Сайыына – 8- ка. Вика 5- кэ , Никаэль – 4- с, Виктор 2 с кылааска Сунтаар 3- №- дээх орто оскуолатыгар уерэнэ сылдьаллар.Виталина, Сайыына уерэхтэригэр учугэйдэр, о5олор бары араас куруьуокка дьарыктаналлр. Сулустаана детсад иитиллээччитэ.Дьиэ кэргэн «мурун буетэ» диэн ааттанар кырачаан кыыс Лиза 1.5 саастаах.
Төрөөбүт күнүнэн ийэ кыыһын эҕэрдэлиир
Сана дьылы керсүү – дьиэ кэргэн бииргэ түмсэр күүтүүлээх күндү бырааһынньыга
Сана дьылы көрсөр түбүк
Истиҥ ийэ, дьиэ кэргэн аҕа баһылыга
Хас биирдии оҕо төрөөбүт күнэ петровтар дьиэ кэргэннэригэр күүтүүлээх бырааһынньык.Кырачаан Лиза төрөөбүт күнэ
Дьоллоох ыал – Петровтар
Иллээх эйэлээх улахан дьиэ кэргэн
Петровтарга дьолу уонна доруобуйаны ба5арабыт.
4 кылаас уорэнээчиллэрэ Кузьмина Наташа уонна Тарасова Дайаана онордулар