"ЖИВИ ДЛЯ ДРУГИХ - И САМ СПАСЕШЬСЯ"
ПРЕП. СИМЕОН ПСКОВО-ПИЧЕРСКИЙ
Приветствую вас , друзья!
Мы живем в сложное время; когда близкий стал чужим, когда брат, говорит, что он не брат, а сестра, говорит, что она не сестра, когда разум не слышит душу, а сердце переживает и болит.
В такие тяжелые времена помощницей всегда была и есть Божья Матерь Пресвятая Богородица, которая помогает избавиться от бед и несчастий всем, кто с молитвой обращается к ней за помощью.
Спасительный чудотворный образ Божией Матери «Избавление от бед страждущих» был обретен в Свято - Николаевском женском монастыре в городе Арзамасе летом 2001 года.
Все началось с того, что в 1997 году две жительницы г. Арзамаса принесли в монастырь икону в виде темной доски, которую одна из них нашла у себя в сарае. Сестры монастыря помнят, как на совершенно почерневшей иконе появилось светлое пятнышко, как солнечный лучик ,высветившее небольшую часть иконы. Летом 2000-го года это «солнечное высвечивание» начало быстро увеличиваться, как будто кто-то незримо тоненькими слоями, будто чешуйками, снимал черноту. Постепенно очищались лик Спасителя и лик Матушки Божией; причем проявлялось все не равномерно и гладко, как сделала бы человеческая рука, а именно так, чтобы было явно, и радостно, и утешительно это Божие чудо. Приехавшая в монастырь однажды рижская монахиня, глядя на икону, сказала с трепетом, что ее чистят Ангелы.
Летом 2001 года икона полностью очистилась, и сестры монастыря смогли определить название образа – «Избавление от бед страждущих».
Первые сведения об этой иконе были обнаружены в книге «Сказания о земной жизни Богородицы» (Изд. Рус. на Афоне Пантелеймонова мон.М..1904.С.275).
Летом в июне месяце 2021 года исполнилось 20 лет с момента ее обретения.
Прихожане и паломники с радостью приходят в Нижний храм Свято - Николаевского женского монастыря, чтобы приложиться к ее чудотворному образу, читают и поют Акафист Матушке Божией. Там же можно приобрести освященное масло, иконочки и книжечки с Акафистом Иконе Божией Матери «Избавление от бед страждущих». В конце книжечки приведены свидетельства чудотворений от Иконы Божией Матери «Избавление от бед страждущих».
Люди обращаются с разными бедами и болезнями, 40 дней подряд дома читают Ей Акафист , получают чудесную помощь и исцеление все страждущие и притекающие к Ее дивному образу.
Для тех, кто не может сейчас позволить себе поездку в Арзамас, публикую Акафист Иконе Божией Матери «Избавление от бед страждущих»; он небольшой и легко читается.
АКАФИСТ
Иконе Божией Матери «Избавление от бед страждущих»
Конда́к 1.
Возбрани́ враго́м на́шим озлобля́ти на́с и от Го́спода на́шего отлуча́ти, а на́с научи́ пе́ти Тебе́ ве́село:
Ра́дуйся, от го́ря, ги́бели и бе́д стра́ждущих на́с Избавле́ние.
И́кос 1.
А́нгелов мно́жество, по Твоему́, Ма́ти на́ша, веле́нию, ополча́ются на избавле́ние на́ше гро́зно, Ты́ же приими́ моли́тву сию́:
Ра́дуйся, А́нгелов на спасе́ние на́ше посыла́ющая; ра́дуйся, Цари́це го́рних чино́в, и́х небе́сную по́мощь на́м даю́щая.
Ра́дуйся, А́нгелом храни́ти на́с повелева́ющая; ра́дуйся, Во́инством А́нгельским враго́в на́ших поража́ющая.
Ра́дуйся, от го́ря, ги́бели и бе́д стра́ждущих на́с Избавле́ние.
Конда́к 2.
Ви́дя бе́дствующия толи́кую и такову́ю по́мощь Твою́ серде́чно Тя́ призыва́ющим, наставля́ют те́м пе́ти Сы́ну Твоему́ непреста́нно: Аллилу́иа.
И́кос 2.
Разуме́ют мно́зи, я́ко дарова́ Тя́ Сы́н Тво́й, Избавле́ние от бе́д стра́ждущих, призыва́ющим Тя́ си́це:
Ра́дуйся, бе́дствующих Ма́ти; ра́дуйся, стра́ждущих утеше́ние.
Ра́дуйся, безнаде́жных наде́ждо; ра́дуйся, безпомо́щных по́моще.
Ра́дуйся, от го́ря, ги́бели и бе́д стра́ждущих на́с Избавле́ние.
Конда́к 3.
Си́ла Вы́шняго дарова́ Тя́ на по́мощь и спасе́ние ми́ру, в беда́х погиба́ющу, и кто́ Тобо́ю изба́влен бы́сть, пое́т Сы́ну Твоему́: Аллилу́иа.
И́кос 3.
Иму́щи непостижи́мую любо́вь к ро́ду челове́ческому, ки́и сле́зы не отве́ргла еси́, и того́ не прину́дила призва́ти Тя́, вопию́ще:
Ра́дуйся, бе́дствующих ско́рое услы́шание; ра́дуйся, плене́нных свобожде́ние.
Ра́дуйся, погиба́ющих бы́строе спасе́ние; ра́дуйся, печа́льных и ско́рбных утеше́ние.
Ра́дуйся, от го́ря, ги́бели и бе́д стра́ждущих на́с Избавле́ние.
Конда́к 4.
Бу́ря несча́стий налета́ет на ны́. Спаси́ на́с, погиба́ющих, спаси́, Избавле́ние от бе́д стра́ждущих, бу́рю поги́бельную на земле́ укроща́ющая и прие́млющая на́шу пе́снь: Аллилу́иа.
И́кос 4.
Слы́ша челове́честии ро́ди всю́ Твою́ к христиа́ном ди́вную любо́вь и Твое́ мо́щное избавле́ние от вся́ких находи́вших на ни́х лю́тых, научи́шася пе́ти Тебе́:
Ра́дуйся, челове́ческаго ро́да от бе́д Избавле́ние; ра́дуйся, уны́ния прогони́тельнице.
Ра́дуйся, бу́рь жите́йских прекраще́ние; ра́дуйся, ра́дости по ско́рби на́м пода́тельнице.
Ра́дуйся, от го́ря, ги́бели и бе́д стра́ждущих на́с Избавле́ние.
Конда́к 5.
Боготе́чной звезде́ подо́бящаяся, мра́к и темноту́ в грехолюби́вых сердца́х разгоня́ющая, да во све́те Твоея́ любви́ у́зрят Го́спода и вопию́т Ему́: Аллилу́иа.
И́кос 5.
Ви́дяще лю́дие Росси́йстии Твое́ неча́янное от многообра́зных бе́д избавле́ние, ра́достно пою́т си́це:
Ра́дуйся, в беда́х на́ших Отъя́тельнице; ра́дуйся, печа́лей на́ших отгна́ние.
Ра́дуйся, в ско́рбех на́ше утеше́ние; ра́дуйся, в ра́достех на́ше воздержа́ние.
Ра́дуйся, от го́ря, ги́бели и бе́д стра́ждущих на́с Избавле́ние.
Конда́к 6.
Пропове́дают по́мощь Твою́ и любо́вь Твою́, Ма́ти, все́ исцеле́нныя, уте́шенныя, оправда́нныя и спасе́нныя Тобо́ю от бе́д и пою́т Твоему́ Высокодержа́вному Сы́ну: Аллилу́иа.
И́кос 6.
Возсия́ на́м све́т спасе́ния во мгле́ поги́бели, окружи́вшей на́с, и наста́вил е́сть пе́ти Тебе́:
Ра́дуйся, мглу́ греха́ разгоня́ющая; ра́дуйся, тьму́ грехо́вную истребля́ющая.
Ра́дуйся, мра́к души́ моея́ просвеща́ющая; ра́дуйся, све́том ра́дости ду́шу мою́ ободря́ющая.
Ра́дуйся, от го́ря, ги́бели и бе́д стра́ждущих на́с Избавле́ние.
Конда́к 7.
Хотя́щим на́м коне́чному отча́янию преда́тися отовсю́ду беда́м належа́щим, помы́слихом о Тебе́, Избавле́ние от бе́д стра́ждущих, и ободри́хомся, и уте́шихомся, пою́ще Сы́ну Твоему́: Аллилу́иа.
И́кос 7.
Но́вую и нежда́нную показа́ Ты́ на́м ми́лость Свою́, под Держа́вную ру́ку Твою́ на́с восприя́вши, и отсю́да вопие́м Ти́:
Ра́дуйся, Цари́ца Держа́вная; ра́дуйся, под Твою́ Держа́ву на́с восприя́вшая.
Ра́дуйся, защи́ту Твою́ на́м дарова́вшая; ра́дуйся, враго́в на́ших пораже́ние.
Ра́дуйся, от го́ря, ги́бели и бе́д стра́ждущих на́с Избавле́ние.
Конда́к 8.
Стра́нное чу́до — на поги́бель обрече́нныя, в ну́ждах томя́щияся, безчи́сленныя внеза́пу спасе́ние и избавле́ние получа́ют от Тебе́, Вселю́бящей Ма́ти, пою́ще Бо́гу: Аллилу́иа.
И́кос 8.
Вси́ су́щии во мра́це скорбе́й, вси́ обурева́емыя бу́рей несча́стий, прииди́те к до́брому приста́нищу и на́шему поможе́нию — покро́ву Де́вы, Избавле́ние от бе́д стра́ждущих, вопию́ще Е́й:
Ра́дуйся, от гла́да на́с избавля́ющая; ра́дуйся, вредонося́щее естество́ от расти́тельнаго ми́ра отгоня́ющая.
Ра́дуйся, посе́вы, и леса́, и все́ расту́щее от поги́бели спаса́ющая; ра́дуйся, земледе́льцев скорбя́щих утеше́ние и отра́до благослове́нная.
Ра́дуйся, от го́ря, ги́бели и бе́д стра́ждущих на́с Избавле́ние.
Конда́к 9.
Все́ существо́ челове́ческое хва́лит Тя́, вси́ воспева́ют Тя́, многоразли́чное избавле́ние ему́ несу́щую и вме́сто печа́лей ра́дость подаю́щую, пою́щим: Аллилу́иа.
И́кос 9.
Вети́я и многоу́мнии обезу́меша, ви́дяще Твое́ бы́строе, чуде́сное от бе́д стра́ждущих избавле́ние и умолко́ша на́м, пою́щим Ти́:
Ра́дуйся, чудеса́ми на́с укрепи́вшая; ра́дуйся, бе́ды чудеса́ми истреби́вшая.
Ра́дуйся, чудеса́ми на́с вразуми́вшая; ра́дуйся, ико́ною Твое́ю на́с возвесели́вшая.
Ра́дуйся, от го́ря, ги́бели и бе́д стра́ждущих на́с Избавле́ние.
Конда́к 10.
Спасти́ хотя́ вся́кую ду́шу челове́ческую любо́вию пече́шися о не́й, до́ндеже не научи́ши ю́ пе́ти Сы́ну Твоему́: Аллилу́иа.
И́кос 10.
Стено́ю ми́р христиа́нский храня́щи и ка́ждую ду́шу от враго́в огражда́ющи обре́теся и прояви́ся ди́вный о́браз Тво́й, «Избавле́ние от бе́д стра́ждущих», да просла́вим его́, поклони́мся и притеце́м к Твоему́ заступле́нию, Ма́ти Бо́жия, воспева́я:
Ра́дуйся, Изба́вительнице на́ша; ра́дуйся, наста́внице на́ша.
Ра́дуйся, весе́лие на́ше; ра́дуйся, ве́чная ра́досте на́ша.
Ра́дуйся, от го́ря, ги́бели и бе́д стра́ждущих на́с Избавле́ние.
Конда́к 11.
Пе́ние непреста́нное прино́сят Ти́ Тобо́ю изба́вленнии и Тобо́ю па́ки ра́дость обре́тшии, Боже́ственному Сы́ну Твоему́ пою́т ра́достно: Аллилу́иа.
И́кос 11.
Светосия́ющим свети́лом лучеза́рным во мра́це греха́ яви́ся на́м Твоя́ ико́на, «Избавле́ние от бе́д стра́ждущих», те́мже ра́дуемся мы́, гре́шнии, иму́ще такову́ю чу́дную ико́ну Твою́ в хра́ме свое́м, я́ко зало́г Твоего́ к на́м и ко Оби́тели на́шей благоволе́ния, и наде́яся на Твоя́ ма́терния моли́твы и ско́рое и́х услы́шание, уми́льно глаго́лем:
Ра́дуйся, ра́достей исто́чниче; ра́дуйся, печа́лей прогна́ние.
Ра́дуйся, бе́д уменьше́ние; ра́дуйся, вся́каго поко́я пода́тельнице.
Ра́дуйся, от горя́, ги́бели и бе́д стра́ждущих на́с Избавле́ние.
Конда́к 12.
Благода́ть от ико́ны Твоея́, «Избавле́ние от бе́д стра́ждущих», теку́щая, исцеле́ний струи́ оби́льно подаю́щая и сердца́ весе́лием оживля́ющая, побужда́ет все́х во́льной во́лей пе́ти о Тебе́, Ма́ти, Сы́ну Твоему́ и Бо́гу: Аллилу́иа.
И́кос 12.
Воспева́ем Твоея́ ико́ны ди́вное обновле́ние, воспева́ем Твое́ ми́лостивное на на́с, гре́шных, призре́ние и, воспева́юще, пое́м:
Ра́дуйся, от сме́рти и ве́чнаго огня́ изыма́ющая; ра́дуйся, ме́ртвых воскреша́ющая.
Ра́дуйся, предсме́ртное на́ше упова́ние и защи́то; ра́дуйся, по сме́рти на́ше упокое́ние.
Ра́дуйся, от го́ря, ги́бели и бе́д стра́ждущих на́с Избавле́ние.
Конда́к 13.
О,Всепе́тая, Вселюби́мая на́ша Ма́ти, умилосе́рдися ны́не и поми́луй на́с, в лю́тых и безысхо́дных беда́х су́щих, Еди́ному су́щу, на́с избавля́ющу, и научи́ на́с серде́чно воспева́ти Бо́гу, спаса́ющему на́с: Аллилу́иа.
Этот конда́к читается трижды, затем икос 1-й и конда́к 1-й.
И́кос 1.
А́нгелов мно́жество, по Твоему́, Ма́ти на́ша, веле́нию, ополча́ются на избавле́ние на́ше гро́зно, Ты́ же приими́ моли́тву сию́:
Ра́дуйся, А́нгелов на спасе́ние на́ше посыла́ющая; ра́дуйся, Цари́це го́рних чино́в, и́х небе́сную по́мощь на́м даю́щая.
Ра́дуйся, А́нгелом храни́ти на́с повелева́ющая; ра́дуйся, Во́инством А́нгельским враго́в на́ших поража́ющая.
Ра́дуйся, от го́ря, ги́бели и бе́д стра́ждущих на́с Избавле́ние.
Конда́к 1.
Возбрани́ враго́м на́шим озлобля́ти на́с и от Го́спода на́шего отлуча́ти, а на́с научи́ пе́ти Тебе́ ве́село: ра́дуйся, от го́ря, ги́бели и бе́д стра́ждущих на́с Избавле́ние.
*********************************************************************
Молитва
Пресвятая Богородице, спаси нас!
Мати Божия, помоще и защито! Егда возопиим, буди Избавлением нам, страждущим и погибающим от лютых бед, на Тя бо уповаем и всегда вседушно Тебе призываем: умилосердися и помози, пожалей и избави от бед страждущих и погибающих нас, от лютых сетей лукаваго исхити, приклони ухо Твое, и наши слезные, скорбные молитвы приими и, якоже хощеши, упокой и обрадуй нас. Научи послушание Господу Богу приносити, всем сердцем, всею душею, всем естеством Сына Твоего возлюбить, плоды трудов достойны Ему приносити. Умири сердца наша, да в едином Духе и всеми делами нашими прославим Безначального Отца со Единородным Его Сыном и с Пресвятым Благим и Животворящим Его Духом, и Твое милостивное Матернее предстательство, ныне, и присно и во веки веков. Аминь
Тропарь, глас 4
Яко пресветлая звезда просия Божественными чудесы святый Твой образ, лучами благодати и милосердия Твоего озарив в нощи скорбей.Подаждь убо и нам, Всеблагая Дево, Избавление от бед страждущих, исцеление недугов душевных и телесных, спасение и велию милость.
Кондак, глас 8
Ко иконе Твоей, Пресвятая Госпоже, бедствующие с верою притекают, заступлением Твоим избавляемые от злых, но яко Мати Христа Бога и
нас свободи от лютых обстояний, временных и вечных, да зовем Ти: Радуйся, Избавление страждущих от всех бед.
******
Подписывайтесь на канал, ставьте лайки, оставляйте комментарии.
С ЛЮБОВЬЮ!