Ուկրաինայում ՌԴ-ի գործողություններին աջակցող ակցիայի մասնակիցները երթ են իրականացրել Ստեփան Շահումյանի հուշարձանից մինչև Հայաստանում Ռուսաստանի դեսպանատան շենք: Ելույթ ունենալով դիվանագիտական ներկայացուցչության մոտ, ՍԻՄ նախագահ Հայկ Բաբուխանյանը հայտարարել է, որ կուսակցությունը նախատեսում է հետագայում նոր երթերի և հանրահավաքների անցկացումը։ «Այսօր հիմք դրեցինք մեր ազատագրման և նոր միության համար։ Մենք շարունակելու ենք մեր գործողությունները։
Այսօր որոշվում է երկրի, մեր ազգի ապագան», – մասնավորապես ասել է Բաբուխանյանը։ Իր հերթին Ալյանս կուսակցության նախագահ Տիգրան Ուրիխանյանը հայտնել է, որ նմանատիպ ակցիա կանցկացվի հաջորդ շաբաթ: «Դա նույնիսկ ալիք է դառնալու Հայաստանի դիվանագիտությունը ճիշտ հաշվարկված, հայանպաստ հարաբերություններին ուղղելու համար։. Դա պետք է լինի ուղղորդող շարժում», – ասաց նա՝ ընդգծելով, որ «Հայաստանի Հանրապետությունն իրավունք չունի սխալվելու»։
Լրացուցիչ տեղեկությունների համար այցելեք կայք