Лесхоз урта мәктәбе базасында Лесхоз урта мәктәбендә Россия Федерациясенең һәм Татарстан Республикасының атказанган урманчысы Нургали Миңнеханов истәлегенә районара шахмат турниры башланды.
Ярышларны ачу тантанасында легендар урманчының өлкән улы – «Юл хәрәкәте иминлеге» дәүләт бюджет учреждениесе директоры Рифкать Миңнеханов гаиләсе белән катнашты. Ул чыгышында традициянең киләсе елда да дәвам итәчәген, яңа дәрәҗәгә күтәреләчәген белдерде. Ярышлар I-VI, VII-XI сыйныф укучылары һәм 18 яшьтән өлкәннәр арасында үтә. Турнирга Арча, Балтач, Кукмара, Спасс районнарыннан да килделәр. Иң өлкән катнашучы – Мамадыш районыннан Юрис Гайнуллинга 89 яшь. Җиңүчеләр кичкә таба билгеле булачак.