БӘЙРӘМ ТАБЫНЫ Аш-су бүлмәсенә бүген, Якын китерми әти. Ярдәмче итеп алынды, Бары энебез Фәтхи. Билгә алъяпкыч салынган, Әзерләнә тәм-томнар. Нәрсәгә тотынсалар да, Килешеп тора куллар. Без - кызларның күңеленә, Әлбәттә, хуш күренеш. Бәйрәм табыны сыйлардан, Балкып торырга тиеш! ...Әллә артык "тырыштылар", Хатын-кызлар көнендә. Артларыннан җыештырып, Бетәлмибез әле дә. Люция Әблиева
БӘЙРӘМ ТАБЫНЫ
Аш-су бүлмәсенә бүген,
Якын китерми әти.
Ярдәмче итеп алынды,
Бары энебез Фәтхи.
Билгә алъяпкыч салынган,
Әзерләнә тәм-томнар.
Нәрсәгә тотынсалар да,
Килешеп тора куллар.
Без - кызларның күңеленә,
Әлбәттә, хуш күренеш.
Бәйрәм табыны сыйлардан,
Балкып торырга тиеш!
...Әллә артык "тырыштылар",
Хатын-кызлар көнендә.
Артларыннан җыештырып,
Бетәлмибез әле дә.