SPT – мектеп және колледж түлектеріне арналған СДУ олимпиадасы.
Биыл 2022 түлектеріне 264 грант пен жеңілдік бөлінген. Қатысу ақысыз.
Олимпиаданың бірінші кезеңі 2022 жылдың 6-наурызында өтеді.
Уақыты 09:00-18:00 (Нұр-Сұлтан уақытымен)
Екінші кезең 13-наурызда өтеді.
Нақты емтихан уақыт кестесі тіркелген электрондық поштаңызға жіберіледі.
Олимпиада ережелері
Биылғы жылы Олимпиада екі кезеңнен тұрады
І кезең - онлайн (50 логикалық сұрақ)
ІІ кезең - офлайн (таңдау пәні бойынша 100 сұрақ)
ІІ кезеңге өткен қатысушылар тізімі ресми веб-сайтта жарияланады және жеке электрондық поштаға жіберіледі.
FAQ (Жиі қойылатын сұрақтар жауабы)
- Олимпиадаға кім қатыса алады? Олимпиадаға тек 2022 жылдың талапкерлері – орта мектептің 11 (12) сынып оқушылары, колледждің соңғы курс студенттері қатыса алады. НЗМ 11-сынып оқушылары, немесе басқа жылдың түлектері, ЖОО студенттері қатыса алмайды.
- Олимпиада сұрақтарының қиындық деңгейі қандай? Олимпиада сұрақтары мектеп бағдарламасы деңгейіне сәйкес дайындалған.
- IELTS сертификаты бар қатысушы олимпиадада ағылшын тілі пәнін тапсырудан босатылады ма? Жоқ, IELTS сертификаты қатысушыны ағылшын тілінен босатпайды. Әр қатысушы өз кластеріне қатысты 3 пәнді міндетті түрде тапсыруы керек.
Жеңімпаздарды анықтау
- Олимпиада жеңімпазы ҰБТ тапсыруы керек пе? Міндетті түрде. SPT грант сертификатын қолдану үшін ҰБТ сертификаты бойынша келесі көрсеткіштерге ие болуы қажет.
- Жеңімпаздар қалай анықталады? Жеңімпаздар ұпай санына қарай анықталады.Үздік нәтиже көрсеткен алғашқы 264 қатысушы жеңімпаз деп табылады.
- Грант немесе жеңілдік ұтып алған қатысушы қандай мамандықтарға түсе алады? Жеңімпаз таңдаған кластері, жинаған ұпайы және ҰБТ таңдау пәндеріне сәйкес келетін мамандыққа грант алады. SPT кластері мен ҰБТ таңдау пәндері сәйкес келуі керек.
- Жеңімпаз SPT грантынан өз еркімен бас тарта ала ма? Иә. Жеңімпаз грантты өз еркімен қолданады. Мемлекеттік грантқа түскен жағдайда мемлекеттік грантты таңдай алады.
КЛАСТЕРЛЕР (Қай пәндерді таңдауға болады?)
КЛАСТЕР 1: ФИЗИКА
Емтихан:
Физика – 25 сұрақ х 1,0 = 25 ұпай
Математика – 25 сұрақ х 1,0 = 25 ұпай
Ағылшын тілі – 50 сұрақ х 1,0 = 50 ұпай
Барлығы – 100 ұпай
Мамандықтары:
– Ақпараттық жүйелер
– Есептеу техникасы және бағдарламалық қамтамасыз ету
– Математикалық және компьютерлік модельдеу
– Математика (педагогика)
– Математика (ғылыми)
– Физика-Информатика
КЛАСТЕР 2: ГЕОГРАФИЯ
Емтихан:
География – 25 сұрақ х 1,0 = 25,0 ұпай
Математика – 25 сұрақ х 1,0 = 25,0 ұпай
Ағылшын тілі – 50 сұрақ х 1,0 = 50 ұпай
Барлығы – 100 ұпай
Мамандықтары:
– Есеп және аудит
– Қаржы
– Экономика
– Менеджмент
– Маркетинг
КЛАСТЕР 3: ХИМИЯ-БИОЛОГИЯ
Емтихан:
Химия – 25 сұрақ х 1,0 = 25 ұпай
Биология – 25 сұрақ х 1,0 = 25 ұпай
Ағылшын тілі – 50 сұрақ х 1,0 = 50 ұпай
Барлығы – 100 ұпай
Мамандықтары:
– Химия-Биология
КЛАСТЕР 4: АҒЫЛШЫН ТІЛІ
Емтихан:
Ағылшын тілі – 50 сұрақ х 1,0 = 50 ұпай
Оқу сауаттылығы – 25 сұрақ х 1,0 = 25 ұпай
Дүние жүзі тарихы – 25 сұрақ х 1,0 = 25 ұпай
Барлығы – 100 ұпай
Мамандықтары:
– Шет тілі: екі шет тілі
– Аударма ісі
– Шетел филологиясы
– Халықаралық қатынастар
КЛАСТЕР 5: ӘДЕБИЕТ
Емтихан:
Қазақ тілі – 50 сұрақ х 1,0 = 50 ұпай
Қазақ әдебиеті – 25 сұрақ х 1,0 =25 ұпай
Оқу сауаттылығы – 25 сұрақ х 1,0 = 25 ұпай
Барлығы – 100 ұпай
Мамандықтары:
– Қазақ тілі және әдебиеті
– Қолданбалы филология
– Журналистика
КЛАСТЕР 6: АҚҚ
Емтихан:
Адам.Қоғам.Құқық – 50 сұрақ х 1,0 = 50 ұпай
Дүние жүзі тарихы – 25 сұрақ х 1,0 = 25 ұпай
Қазақстан тарихы – 25 сұрақ х 1,0 = 25 ұпай
Барлығы – 100 ұпай
Мамандықтары:
– Құқықтану
– Халықаралық құқық
КЛАСТЕР 7: БИОЛОГИЯ
Емтихан:
Биология – 25 сұрақ х 1,0 = 25 ұпай
География – 25 сұрақ х 1,0 = 25 ұпай
Ағылшын тілі – 50 сұрақ х 1,0 = 50 ұпай
Барлығы – 100 ұпай
Мамандықтары:
– Педагогика және психология
– Мектепке дейінгі оқыту және тәрбиелеу
– Бастауыш оқытудың педагогикасы мен әдістемесі
– Әлеуметтік педагогика және өзін-өзі тану
КЛАСТЕР 8: ТАРИХ
Емтихан:
Дүниежүзі тарихы – 25 сұрақ х 1,0 = 25 ұпай
География – 25 сұрақ х 1,0 = 25 ұпай
Ағылшын тілі – 50 сұрақ х 1,0 = 50 ұпай
Барлығы – 100 ұпай
Мамандықтары:
– Тарих
Олимпиадаға тіркелу сілтемесі: https://spt.sdu.edu.kz/
УНИВЕРСИТЕТ ТУРАЛЫ
Сулейман Демирель атындағы Университет 1996 жылы Тұңғыш Президент- Елбасы Нұрсұлтан Әбішұлы Назарбаев пен еліміздің тәуелсіздігін алғаш таныған елдердің қатарындағы Түркия мемлекетінің 9-шы президенті Сулейман Демирельдің қатысуымен ашылды.
Университеттің стратегиялық даму жоспарының басты мақсаты – еліміздегі және Орта Азиядағы таңдаулы, халықаралық үлгідегі жоғарғы оқу орындарының бірі болу.
Ең алғаш Алматы қаласында Орбита ықшамауданында білім беру бағдарламасымен шағын ғимараттан бастау алған білім ордасы бүгінгі таңда, Алматы облысы Қарасай ауданы Қаскелең қаласындағы 14 гектарлық алаңда заманауи талаптарға сай 40 мың шаршы метрлік кампус пен 20 000 шаршы метрлік жатақханасымен 7000-нан аса білімгерге білікті 271-ға жуық профессорлық оқытушы құрамымен білім беруде.
Университет құрамында 4 факультет мен Мультидисциплинарлық орталық жұмыс жасайды.
– Инженерлік және жаратылыстану ғылымдары факультеті
– Құқық және әлеуметтік ғылымдар факультеті,
– Педагогика және гуманитарлық ғылымдар факультеті
– Бизнес мектебі
Ағылшын тілінде білім беретін алғашқы университеттердің бірі болып табылатын университетте қазіргі уақытта 55 білім беру бағдарламасы бар, атап айтқанда 28 бакалавриат бағдарламасы, 20 магистрлік бағдарлама және 7 докторлық бағдарлама. SDU – да үш тілді білім беру жүйесі жұмыс істейді, соған сәйкес оның білім беру бағдарламаларының 62% -ағылшын тілінде, 20% – қазақ тілінде оқытылады, ал 18% – ағылшын, қазақ немесе орыс тілдерінде қолжетімді.
Білімгерлер толықтай ECTS (European Credit Transfer and Accumulation System – Кредиттерді аудару және жинақтаудың еуропалық жүйесі) жүйесі арқылы дәріс алып жатыр.
Профессорлық-оқытушы құрамы – еліміз бен шетелдің белді оқу орындарын бітірген өз істерінің мамандары болып табылады. Жалпы саны 271, оның ішінде 20% ғылым кандидаты, 36% PhD докторы жұмыс жасайды.
Университеттің стратегиялық дамуының негізгі бағыттарының бірі – Интернационализация. Бұл бағыт бойынша бүгінге дейін Университетке шетелдік топ менеджерлер тартылып, профессорлық-оқытушылық құрамның қатарына шетелдік мамандар тартылды.
Қазіргі күні университет факультеттерінде Орта Азия, Африка, Қытай, Ресей, Моңғолия сияқты елдерден 185 шетелдік студент білім алуда.
26 мемлекеттегі 56 университетпен ынтымақтастық меморандум жасалып бүгінгі таңда академиялық ұтқырлық, тәжірибе алмасу бойынша бірлескен жобалар атқарылуда. Бұдан бөлек, университет ERASMUS жобалары бойынша Педагогика және Инженерия бағытында жұмыс жасауда.