Паспорт. Ӱшкыж. #Важмалдык

Фото Валерия Скворцова

Кок йолташ вашлийыныт. Иктыже каласкала.

Йӱдвелне пашам ыштем. Сонарзе-влак ик шоҥго-шоҥго рывыжым лӱеныт.

Тидлан иктаж витле ият уло дыр манын, Гиннесс книгаш возашлан ӱжыктеныт. Заграничный уна-влак толыныт да ончен вигак каласеныт. Тиде рывыжлан витле ий.

Иктыже весыж деч йодеш:

- Кузе тогденыт? Кузе пален налыныт?

- Кузе, кузе? Кутаныштыже паспорт киен.

2. Тидым кок але утларак еҥ шинчыме годым каласкалат

Ялыште ик марий ӱшкыжым кучен. Варажым тудым тиде «зверь» ӧрген пуштын. Кузе тиде лийынже.

Кая ял урем дене. Ошкылеш, эркын ӱшкыжым пералта. Тудо кая-кая да шогалеш.

Почшым нӧлталын шалаш тӱҥалеш. Шалеш-шалеш. (тидын годым каласкалыше шып лиеш, иктаж вес сомылым ышташ тӱҥалеш. Шинчыше-влак шып шинчен огыт турко, садак йодыт)

- Вара умбакыже, умбакыже.

- Шого шого, ӱшкыж але шалеш.