Бригадирлан Эчук пашам ыштен. Шукерте огыл гына ӱдырымат налын. Пеш мотор рвезе ыле. Шуко ӱдырамашын чонжым тургыжландарен. А шкеже пошкудо вате велке шинчажым пыштен шынден. Ик кастене вашлияш кутырен келша. Саде ӱдырамашет ойла:
- Эчук тый кӱтӱ деч вара амбарыш тол, мый тыйым вучаш тӱҥалам..
Пошкудет гын ватыжлан тидым луктын ойлен. Кастене пелашыже вашлиймашыш толеш. Эчук пычкемышыште кидше дене кап-кыл мучко шыматылеш, а шкеже ойла:
- Еҥын еҥынак. У тудо уак
Шкеже шыматыме пашажым шукта да шукта. Йӧратенат налеш.
«Пошкудо ватылан» пӧлекым катам да халатым ыштен кода. Вара мӧҥгӧ ошкылеш да клатыш малаш возеш.
Эрдене ватыже мелнам кӱештеш. Шыл шӱрым шолта. У халатым, йолышкыже у катам чиен шогалеш . Мелна салмажым налмыж годым эре ойла.
- Эчук! Тый кузе, мый туге. Еҥын вет тудо еҥынак.
Пелашыжым ончалеш да ешара:
- У-, веет тудо у-уак.
Эчукын ушыже каен. Шинча вич теҥге лийын. Но вараже Эчукым ватыже проститлен. Умбакыже пырля сайынак иленыт.
КУГУ АЗИ