Мыйын ик колызо йолташем уло. Ик гана коктын кол кучаш каяш кутырен келшышышна. Эрдене эр пошкудо ял воктеке пӱаш каен колтышна. Мийышна эҥырнам кышкышна. Иктаж пел шагат шинчылтна, кол ок чӱҥгӧ. Игече юалгырак ыле. Мыйын йолташет кылменам малдале, тиде ялыште родем уло манне да ырыктен толам манын тортам пӱтырале.
«Тый эҥырым ончал. Кол логалеш гын ведраш пыште» - ыштале да каен колтыш. Иктаж шагат гыч тольо. Веселан муралтен веле колта. Сайынак ырыктен. Шукат вучыктышым ала мо малдале.
Эҥыржым эскераш пурен шинче. Ик жап гыч шывыр шовыр шоктыш. Кӧл тӧрштыш мо шоналтышым. Ончальым мыйын колызет вӱдыштӧ чумедылеш, лекташ тӧча. Утарыза-аз-а! - ман кычкыраш толаша. Мый тудым кучышым да шӱдырен луктым. Таумат каласаш монден. Чытыра веле.
"Кай родет деке, вургемет кошто але вашталтен чий. Ватет мыйым вурсаш тӱҥалеш" - манын ужатышым. Кайыш. Шуко жап вучышым, кок шагат эртыш дыр. Мый умылышым кол кучымо ок кой... Эҥыржым погалтышым да родыждек ошкыльым. Миен пурышым гын, коктын ӧндалалтын мурен веле шинчылтыт. Ӱстембалне кленча арака. Тол,- маныт - изиш подыл.
Кум изи каракажым, ведраже да эҥыржым пуен кодышым. Чеверын!- сырен лектын ошкыльым. Тудын деч вара шкет коштам. Йокрокрак да йӧра мыйже подылмаш уке. Теве коло шым кече гыч тылзе шуеш арака пушым ом шинче. Сайын кодса.