Тиде каласыман Совет Союз жапыштырак лийын.
Ик ялыште ӱдырамаш йомын. Эргыж дене коктын веле иленыт. Йоммыжо шотышто пошкудо-влак милицийышке йыҥгыртеныт. Эргыже гын нигуштат ыштен огыл, но аракам йӧратен. Пошкудо-влакын ойлымышт почеш аважын пенсийжым кырен налын йӱын коштын.
Милиционер каласкала: "Йыҥгыр почеш толынна, чыла вере мӧҥгыштыжӧ кычал лекна. Нимогай кыша, пале уке. Эргыже гын ойла, ала-кушко лектын каен, алят уке манеш.
Мый пӧртӧнчылно тошкалтыш мучашышке толын шогальым. Трук пылышемлан шыпак гына ала-кӧ ойлаш тӱҥале - мый тыште улам, вот воктенетак. Шкеже ӧрынам, мо тыгай пылышемлан шокта мо? шоналтышым. Сайынрак ончал колтышым, ужам тошкалтыш воктене ошма ночкырак коеш. Рвезе-влаклан ойлем, айда пӧртончылым рончена. Рончышна. Мландым шукерте огыл кӱнчымӧ. Мландым кораҥдышна гын, ушет кая, аважым лакыште тойымо. Эргыже манеш, арака налаш оксам пуен огыл да кырен пуштым.
Но шкеже гын тачат шонем, кӧ мыланем тунам пылышышкем ойлыш гын".