Ярамарий селашке келшыме ӱдыремын аваж деч миенам. Сӱан нерген кутыраш кӱлеш ыле. Аваже тореш лие. Мый чот сыренам, мом ышташат ом пале. Лавкыш пурен аракам нальым. Чотак йӱын шындышым. Варажым мо лийын ом шарне. Мален колтенам. Помыжалтме гае лийым. Чыла вере пычкемыш. Омыюа колам: «Колюш ынде кынел, кай. Меат модаш лектына»
Помыжалт кайышым, чыла вере ырес-влак шогат. Шӱгарлаште мален кием. Кынельым да лектын кайышым. Колынам ыле шугарлаште пелйӱд марте малаш лиеш, а вара тыйым помылжалтарат да мӧҥгӧ кай манын ойлат. От кынел гын туштак кодын кертат.
Мый содыки ӱдырем деке сӱан дене мийышна. Лекме годым ик марий чарен шогалтыш да аракам йодо. Мый ом пу маньым. Марий имне деке миен ала-мом пелештыш. Шкеже кораҥ кайыш. Ме тарванаш тӱҥална, а имне верже гычат ок тарване. Мом ышташат огына пале. Имньым сола денат перен ончышым. Верже гыч ок тарване, кок йола шогалеш и пырчат ок кай. Ваштарешыже савар улмо гае чучеш. Ончыл шогышо ӱдыр ойла: Колюш вучалте, мые ик шоҥго кува деке миен толам. Кувай тольо. Чырам чӱктыш. Имне йыр, тарантас йыр савырныш. Тиддеч вара имне ласкан капка гыч лекте да мӧҥгӧ марте ласкан тольо. Вот тыгеат лиеш