Կարմիր խաչի միջազգային կոմիտեի ներկայացուցիչները տեսակցել են Ադրբեջանում պահով գերեվարված անձանց։ Այս մասին Armenia Today-ի հետ զրույցում հայտնել է ԿԽՄԿ պատվիրակության հաղորդակցման ծրագրերի ղեկավար Զառա Ամատունին: «Հունվար ամսին հերթական տեսակցությունն է տեղի ունեցել։ Ադրբեջանում մեր ներկայացուցիչները տեսակցել են այդ երկրի կողմից գերեվարման փաստը հաստատված անձանց հետ»,-նշեց Ամատունին։
Ըստ Ամատունու՝ նրանց թվում են ինչպես 2020–ի պատերազմի և դրան հետևած շրջանում, այնպես էլ 2021թ–ի նոյեմբերին տեղի ունեցած հարձակման հետևանքով գերեվարվածները։ Նրա խոսքով՝ գերեվարավածների առողջական վիճակի կամ նրանց հանդեպ վերաբերմունքի մասին ԿԽՄԿ-ն չի կարող հանրայնացնել։ «Կարող եմ ասել, որ մեր տեսակցությունների հիմնական նպատակներից է այդ մասին տեղեկանալը»,-նշեց նա։ Ամատունու փոխանցմամբ՝ առանձնազրույցներ են եղել, հնարավորություն է տրվել կապի տարբեր միջոցներով կապ հաստատել ընտանիքների, հարազատների հետ։
«Դրանց թվում են Կարմիր խաչի նամակները, տեսագրված հաղորդագրությունները, միևնույն ժամանակ, համապատասխանաբար ընտանիքներից նամակների փոխանցում գերեվարված անձնաց, որպեսզի կապը լինի երկկողմանի»,-նշեց ԿԽՄԿ ներկայացուցիչը։
Լրացուցիչ տեղեկությունների համար այցելեք կայք