Тений 2022 у ийлан Шкетан театрыште кок спектакльышке миенам. Икымшыж нерген возынем ыле. Лач Володя Матвеевын пьесыж почеш шындыме «Ава капитал» спектакльышке 2 январьыште коштым.
Вигак ойлынем, тичмашнек спектакль келшыш. Эше ик гана миен толаш лиеш.
Программкым налмек йодыш лекте. Строганова шындаш тӱҥалме годым лийын огыл. Молан? Медшӱжар олмеш Генрих Тимиряев модеш. Тугеже «медиза» але «медшольо» лийшаш. Кузерак модеш? Но каласыман рольым Генрих пеш келыштарыш.
Антракт марте спектакль развитий дене эркынрак кайыш. Жапын-жапын шуйкалыме гае чучо. Кокымшо ужашыште пеш чаплын модыч да оҥайын ончалте .
Роль-влак шукын огытыл. Чыла кокла гыч Светлана Александрова ушеш чотак лакемалте. Тудо оласе ӱдыр Лизукын модо. Кызытат шарналтем да шыргыжалын колтем. Но и Алина Егошина (Валентина Петровна), и Галина Иванова (Проска) шке рольыштым келыштарен моштышт. Вот нылымше ӱдырамаш Вера, кудыжым Светлана Строганова модеш, образ шотышто кӱчымырак чучо. Тыште артистын огыл шонем экшыкше, а драматургын.
Теве эше... Алексей Тетерин образым тичмашнек почо, но тольык коклан мутшым умылаш огеш лий ыле. Тыште лач але 2 январь манын шоналтышым.
Тыгак Светлана Гладышева тышке-тушко кошто кошто.
Эн тӱҥжӧ содыки спектакль АВА ПИАЛ нерген. Ава капитал, шомак семын веле, спектакльлаште йоҥга. Режиссер афишыште тидым палдара.
Чыла тиде кузе ойлат «субъективный мнений». Спектакльлаш кошташ кӱлеш да шке шонымашым ойлаш лӱдман огыл.
