Пошкудо шоҥго кочай каласкален.
- Рвезем годым ялыште ушкал кӱтӱм кӱтенам. Ик жапын ушкалын озаже мый денем туманла да туманла. "Молан ушкалемын шӧржо уке?!" - манын кычкыра. Ик семынак кӱтем, ик верыштак ушкал-влакым канаш пыштем. А молан шӧр уке, ом пале? Тидын деч вара эскераш тӱҥальым. Теве ик кечын вольыкым канаш пыштышым, а шкеже ушкалым оролем. Тудо чыла дене пырля канаш возо. Ик жап гыч ужам, мыйым велышке онча. Вара кынелын ӧрдыжкӧ кайыш. Шып гына почешыже тарванышым. Ик верышке миен шогале. Ала кушечын кишке тольо. Ушкал водарышке кечалте, шӧрым йӱаш тӱҥале. Шкеже гын лӱдын кораҥым. Кастене озаватылан каласкалышым. Вараже нунат ушкал почешышт оролен каеныт. Тыгак шӧрым кочшо кишкым ужыныт. Тидын деч вара озавате мый денем лӱшкен огыл.
КУГУ АЗИ