Қазақстанда кім тегін стоматологиялық көмек ала алады?
Шұғыл және амбулаториялық стоматологиялық қызметтер әлеуметтік медициналық сақтандырумен қамтылуы мүмкін.
Стоматологиялық көмек - бұл тістерге байланысты ауруларды емдеу.
Әдетте бұл қызметтер қымбат және отбасылық бюджетте айтарлықтай шығын болып табылады.
Алайда, Медициналық сақтандыру қорының (МСҚ) хабарламасына сәйкес, бұл қызмет міндетті әлеуметтік және медициналық сақтандыру (МӘМС) аясында тегін көрсетілуі мүмкін.
Тегін стоматологиялық көмек.
Медициналық сақтандыру қоры (МСҚ) филиалының мәліметі бойынша, амбулаторлық деңгейде тегін стоматологиялық көмектің барлығы азаматтардың жекелеген санаттары үшін міндетті әлеуметтік медициналық сақтандыру пакетімен қамтамасыз етіледі.
Олардың арасында 18 жасқа дейінгі балалар мен жүкті әйелдер бар. Ал тегін қызметтердің арасында мынандай процедуралар бар:
- анестезия(жансыздандыру),
- Пломбалау,
- терапиялық емдеу,
- пульпит, периодонтит емдеу,
- гипоплазиямен, флюорозбен тістің анатомиялық пішінін толық функционалды қалпына келтіру.
Сондай-ақ, кәмелетке толмағандар мен жүкті әйелдер тісті жұлу хирургиялық әдістерін, еріннің, тілдің френулопластикалық хирургияны, жақ сүйегінің рентгенографиясын және анестезияны тегін пайдалана алады.
Жедел стоматологиялық көмек.
Азаматтардың келесі санаттары үшін мемлекет есебінен кепілдендірілген тегін көлемде жедел стоматологиялық көмек көрсетіледі:
Тек жедел ауырған жағдайда бір тісті емдеу!
- кәмелетке толмаған қазақстандықтар мен жүкті әйелдер,
- Ұлы Отан соғысының қатысушылары және 1, 2 және 3 топтағы мүгедектер;
- «Алтын алқа», «Күміс алқа» ордендерімен көп балалы аналар,
- атаулы әлеуметтік көмек (АӘК) алушылар, жасы бойынша зейнеткерлер және басқалар үшін жұқпалы, әлеуметтік маңызы бар және қауіпті аурулары бар науқастар.
Жедел стоматология аясында оларға келесі қызметтер қолжетімді:
- хирургиялық қабылдау шаралары,
- тұрақты тісті жұлу,
- абсцессті ашу, одонтогенді кистаны жою,
- альвеолитті, альвеолярлы жүйке невритін емдеу,
- ауыз қуысының жұмсақ тіндерін (ісік болған жағдайда) кесу,
- жақ-бет аймағының жарасын алғашқы хирургиялық емдеу.
- Сондай-ақ, жақ-бет аймағының туа біткен патологиясы бар балалар мемлекеттік тапсырыс есебінен ортодонтиялық көмек ала алады.
Стоматологиялық көмекті қалай алуға болады?
МСҚ мәліметінше, қазақстандықтар жоспарлы немесе шұғыл стоматологиялық қызметтерді алу үшін тіркелген жеріндегі емханаға, сондай-ақ Медициналық сақтандыру қорын қамтамасыз ететін жеке немесе мемлекеттік стоматологиялық емханалардың біріне хабарласа алады.
Емханалар тізімін осы сілтеме арқылы алуға
Бұл қызметтерді төлеу сақтандыру есебінен пациенттің емханасы арқылы жүзеге асырылады. Қазіргі уақытта Алматы қаласында стоматологиялық қызметті 45 емдеу мекемесінде алуға болады ал Шымкент қаласында 35 жалпы емдеу мекемесінде тегін стоматологялық көмек көрсетуде.
Ал егер қор серіктестерінің тізіліміндегі стоматологиялық емхана қызмет көрсетуден бас тартса, 1406 нөміріне хабарласыңыз.
Автор: Мырзабай