Эпидемиологон уавæр Цæгат Ирыстоны у ӕнӕзмӕлгӕ, уыимæ республикæ у цæттæ коронавирусы ног уылæнмæ. Цавæр хъæугæ мадзæлттæ аразынц дзуапдæттæг кусджытæ уый тыххæй дзырдтой оперативон штабы æмбырды. Ныртæккæ рынчындæтты ковид-пациенттæн ис 728 бынаты, уыдонæй 209 сты уæгъд. Хæстæгдæр рæстæг регионмæ æрбаласдзысты 14 мин тестæй фылдæр.
Зæрдæхсаинаг ма уый у æмæ тæссаг низы ног штамм-омикрон бæстæйыл парахат кæй кæны. Адæймагыл бахæцы цыбыр рæстæгмæ, уымæ гæсгæ рынчынтӕ фылдæр кæнынц. Уый хыгъд йæ фæстиуджытæ ахæм уæззау нæ вæййынц. Уæрæсейы фæлхасгæнджытæм цæстдарды управленийы кусджыты ныхæстæм гæсгæ, Цæгат Ирыстоны омикрон-штаммæй рынчынты нырма нæ рабæрæг кодтой. Специалисттæ адæммæ сидынц вакцинаци æмæ равкцинаци цæуынмӕ.