Hurmatli foydalanuvchilar!
☝️ Barcha maktablarning onlayn ta’limga o‘tishi munosabati bilan biz sizga o‘quv jarayonini tashkil etish va uning sifatini oshirishga yordam beradigan Kundalik funksiyalarini eslatib o‘tamiz.
🌀 Zoom yordamida onlayn ta’lim
Ta’lim faoliyatini rejalashtirishda o‘qituvchilar darsni onlayn rejimda video bilan o‘tishni belgilashlari mumkin. Buning uchun kalendar rejalashtirish bo‘limida o‘qituvchi “Onlayn video darsni rejalashtirish” tugmasini bosishi kerak, oynada videokonferensaloqa xizmatlari bilan “Zoom”ni tanlash lozim. Kundalik “Zoom”dagi konferensiyasiga havolani yaratadi hamda uni dars sahifasida va kalendar rejalashtirishda saqlaydi. Tegishli dars uchun o‘qituvchi va o‘quvchining dars jadvalida kamera belgisi paydo bo‘ladi, mazkur belgi dars masofadan turib Zoom yordamida o‘tkazilishini anglatadi. O‘quvchi konferensiyaga qo‘shilishi uchun havola orqali o‘tishi kerak.
👉 Mazkur funksiya bilan qanday ishlash to‘g‘risida ko‘proq ma’lumot olish uchun ushbu maqola (https://help.kundalik.com/hc/ru/articles/360021363739) bilan tanishib chiqing.
🌀 Uyga vazifa
“Uyga vazifa” funksiyasidan foydalanib, o‘qituvchi ham guruh, ham individual topshiriqlarni berishi hamda ularning bajarilishini nazorat qilishi mumkin.
Masofadan turib topshiriqni bajargan o‘quvchilar natijalarni darhol yuborishlari mumkin. Buning uchun o‘qituvchi uy vazifasini yaratishda “Natija biriktirilgan fayl talab qilinadi” katagidagi belgini olib tashlamasligi kerak.
👉 Uy vazifalari bilan ishlash to‘g‘risidagi batafsil ma’lumotni bu yerda (https://help.kundalik.com/hc/ru/articles/360003703500) o‘qishingiz mumkin.
🌀 Kundalik.Smart xizmatidan foydalangan holda onlayn topshiriqlarni berish
Kundalik tizimi Kundalik.Smart (https://uz.mfactory.online/catalog) platformasi yordamida tayyor dars yaratish va tayyor uy vazifasini biriktirish imkoniyatini amalga oshiradi.
Kundalik.Smart yordamida o‘qituvchi nafaqat katalogdan tayyor topshiriqlarni berishi, balki o‘zining raqamli darsini yaratishi, uni video, audio materiallar, test topshiriqlari bilan boyitishi hamda “Kundalik”dagi “Kalendar rejalashtirish” bo‘limi orqali uy vazifasi tarzida berishi mumkin. Agar xohish bo‘lsa, mashg‘ulotni darslik yoki mavzu bo‘yicha rasmiy tematik rejaga bog‘lash mumkin. Darsni uy vazifasi sifatida topshirishda o‘qituvchi dars turi parametrlarini o‘rnatishi hamda materialni taqdim etish shaklini tanlashi mumkin. Misol uchun, yuqori sinflarga messenjer formatida, kichik sinflarga esa interaktiv o‘yin shaklida dars o‘tish mumkin.
Respublika ro‘yxatiga kiritilgan darsliklardan mavzular asosida yaratilgan mashg‘ulotlar darslar katalogiga qo‘shildi. “Mening guruhlarim” bo‘limida o‘qituvchi onlayn uy vazifa bergan barcha sinflardagi o‘quvchilarining harakatlarini kuzatishi mumkin.
👉 Kundalik.Smart yordamida onlayn topshiriqlarni qanday berish va tekshirish to‘g‘risidagi batafsil ma’lumot bilan bu yerda (https://help.kundalik.com/hc/ru/articles/360021426039) tanishishingiz mumkin.
👉 Kundalik.Smart yordamida qanday qilib o‘z darslaringiz va topshiriqlaringizni yaratishingiz to‘g‘risida bu yerda (https://help.kundalik.com/hc/ru/articles/360021426039) batafsil yoritilgan.
