2022-æм азы 1-æм июлæй паспорт райсыны фæтк фæивдзæн. Райсæн æй уыдзæн фондз боны æмгъуыдмæ. Ногдзинад аххæсдзæн паспорт электрон хуызы чи иса, уыдоныл дæр.
Уый тыххæй хъусын кæнынц Уæрæсейы мидхъуыддæгты министрады пресс-центрæй. Ведомствойы ма куыд хъусын кæнынц, афтæмæй июлæй ног паспорт ратдзысты фондз кусгæ бонмæ. Уыимæ уæлдай нæ уыдзæн, паспортисæг фыст кæм у, уым цæры æви æндæр ран, стæй йæ цæмæн ивы, уый.
Паспорт райсынмæ курдиат бадæттæн ис мидхъуыддæгты министрады хайадмæ, бирæвæрсыг центр кæнæ паддзахадон лæггæдты порталы. Уæ зæрдыл уын æрлæууын кæндзыстæм, нырæккæ паспорт райсæн ис 10 бонæй 30 бонмæ.