Ադրբեջանի ԶՈՒ – ն 2021 թվականին անցկացրել է շուրջ 900 զորավարժություն։ Ինչպես հաղորդում են ադրբեջանական լրատվամիջոցները, այս մասին հաղորդել է Պաշտպանության նախարարության մամուլի քարտուղար Անար Էյվազովը։ Նրա տեղեկատվություններով՝ խոսքը գնում է ցամաքային զորքերի, ռազմաօդային ուժերի, ռազմածովային ուժերի, հատուկ նշանակության ուժերի և Նախիջեւանի առանձին համազորային բանակի ստորաբաժանումների հետ հրամանատարաշտաբային, մարտավարական, հատուկ-մարտավարական և սիմուլյացիոն զորավարժությունների մասին:
Էյվազովը նշել է, որ Ադրբեջանի պաշտպանության նախարարությունը կատարելագործել է երկրի զինված ուժերի կազմակերպչական-հաստիքային կառուցվածքը, ստեղծվել են «ցամաքային զորքերի հրամանատարությունը և նոր ռազմական միավորումը»: Նա նաև հայտարարել է, որ Ադրբեջանը Թուրքիայի հետ կշարունակի ռազմական ոլորտում սերտ փոխգործակցությունը: Նրա խոսքով՝ «Ադրբեջանին անցած տարածքներում տեղակայված զորամասերի օպերատիվ և մարտական պատրաստության մակարդակի բարձրացման, ինչպես նաև մարտական խնդիրների կատարման համար հատուկ պայմաններում ստեղծվել են օպերատիվ (Կոմանդոս) զորամասեր»: Էյվազովը հայտնել է, որ Կոմանդոսը համապատասխան նախապատրաստական դասընթացներ է անցնում Թուրքիայում։
Լրացուցիչ տեղեկությունների համար այցելեք կայք