Ног азы бæрæгбæтты фæстæ ковид апарахат кæнын ма бауадзын. Ахæм хæс дзуапдæттæг кусджыты размæ сæвæрдта Сергей Меняйло оперативон штабы æмбырды. Карантины мадзæлттæ хæстæгдæр рæстæг нæ фæкарздæр кæндзысты, фæлæ, низы ныхмæ цы мадзæлттæ нысангонд цæуынц, уыдон дæр æххæст кæнын æнæмæнг хъæуы.
Дыууæ къуыримæ коронавирусимæ баст уавæр нæ аивта. Фæстаг 5 бонмæ фæрынчын 386 адæймаджы. Медицинон æххуысмæ стационартæм чи, æрбацæуы уыдоны нымæц фæкъаддæр 4,6%. Рынчындæтты ковид пациенттæн ис 314 уæгъд бынаты. Къуыримæ вакцинаци ацыдысты 5 409 адæймаджы. Иммунизаци æдæппæтæй ацыдысты 223 мин цæрæджы.
Афæдзы кæронмæ 1-æм æмæ 4-æм поликлиникæты кусын райдайдзысты ПЦР-лабораторитæ. Дзуапдæттæг министры ныхæстæм гæсгæ, Ног азы рынчындæттæ кусдзысты фæткмæ гæсгæ. Туаггуыры уавæрмӕ дарддæр дæр хъæуы лæмбынæгæй кæсын, фæнысан кодта Сергей Меняйло. Регионы разамонæг ма суынаффӕ кодта ковид-пациенттæн хостæ лæвар дæттыны фæтк банывыл кæнын.