Төрээн чуртуң кайын, чүден эгелээнин Дөгеревис ырлажып-даа турар-дыр бис. Төлү биске ада-ие, чери – алдын, Төрээн дылы олар-биле бир дең эргим. Чаңгыс сөстен сеткил өөрүп, сргеп болур, Чандыр барза, хомудай-даа берип болур. Эдипкен сөс, боодан үндүр аткан ок дег, Эгиттинмес дижири-ле ылап ийин. Шугум чазаар мурнувуста шыгаап аар бис, Чугаалаптар мурнувуста боданыр бис. Сөөктү хемдээш, чилинге-даа чедер апаар, Сөстү сөглээш, эчизин-даа көөр апаар. Тыва дылдың мерген байлаан билир дизе, Дыка каастап, кояжыдар албан эвес. Эртеден бээр чонум домаа уран, шевер – Эгечениң будаан эрни ында-ла каар. Бакка-сокка дылдар холуп, шокарлавайн, Баштаң төрээн чугааң эки шңгээтсиңзе, Өңнүк туржук, өскениң-даа дылы сеңээ, Өөредип каан аъдың ышкаш, чаажыга бээр.
Төрээн чуртуң кайын, чүден эгелээнин
Дөгеревис ырлажып-даа турар-дыр бис.
Төлү биске ада-ие, чери – алдын,
Төрээн дылы олар-биле бир дең эргим.
Чаңгыс сөстен сеткил өөрүп, сргеп болур,
Чандыр барза, хомудай-даа берип болур.
Эдипкен сөс, боодан үндүр аткан ок дег,
Эгиттинмес дижири-ле ылап ийин.
Шугум чазаар мурнувуста шыгаап аар бис,
Чугаалаптар мурнувуста боданыр бис.
Сөөктү хемдээш, чилинге-даа чедер апаар,
Сөстү сөглээш, эчизин-даа көөр апаар.
Тыва дылдың мерген байлаан билир дизе,
Дыка каастап, кояжыдар албан эвес.
Эртеден бээр чонум домаа уран, шевер –
Эгечениң будаан эрни ында-ла каар.
Бакка-сокка дылдар холуп, шокарлавайн,
Баштаң төрээн чугааң эки шңгээтсиңзе,
Өңнүк туржук, өскениң-даа дылы сеңээ,
Өөредип каан аъдың ышкаш, чаажыга бээр.