Сывæллæтты аивадон сфæлдыстады фестиваль «Диалог культур» цæуы Дзæуджыхъæуы. Форумы республикон аивæдты лицей архайы ныр æстæм хатт. Мадзал арӕзт цӕуы Цæгат Ирыстоны Ахуырад æмæ наукæйы министрад æмæ Культурæйы министрады хъæппæрисæй.
Архайджыты 'хсæн сты Цæгат Кавказы регионты минæвæрттæ. Уазджытæн бацæттæ кодтой сфæлдыстадон фембæлдтæ, дæсныйадæвдисæн ахуыртæ, конценттæ æмæ равдыстытæ. Фестивалы сæйраг нысан у кæрæдзийы æгъдæуттæ æмæ культурæ хуыздæр базонын.