Ног азы бæрæгбæтты рæстæг æхсæнадон транспорты цыд нысангонд фæткмæ гæсгæ æххæст кæнын. Ахæм хæс аппаратон æмбырды рæстæг Сергей Меняйло сæвæрдта дзуапдæттæг ведомствоты раз.
Уыимæ ма улæфæн бонты карздæрæй кæсдзысты низы ныхмæ домæнтæм. Ивгъуыд къуыримæ коронавирусимæ рынчынты нымæц фæкъаддæр 4,8%. Ковид стационартæм æххуысагур цæуынц 3,8% къаддæр адæм. Уый тыххæй фехъусын кодтой Уæрæсейы фæлхасгæнджытæм цæстдарды управленийы специалисттæ. Къуыримæ вакцинаци скодтой республикæйы 6 мин 596 цæрæджы. Цæгат Ирыстоны 250 адæймаджы цæуынц ковиды фæстæ реабилитаци. Уый тыххæй аппаратон æмбырды фехъусын кодта республикæйы хицауады сæрдары хæдивæг Тугъанты Ларисæ. Йæ ныхæстæм гæсгæ, 100-йæн йæ реабилитаци кæронмæ æрхæццæ.
Сергей Меняйло ма ахуырад æмæ наукæйы министрады раз сæвæрдта хæс, цæмæй республикæйы скъолаты фæзыной фыдыбæстæйы хъæбатырты бюсттæ. Сергей Меняйло бахæс кодта ахуырады министрад æмæ куыстдæттыны комитетӕн иумæ училищæтæ æмæ колледжыты рауагъдонтæн куыст сарыны фарстайы баххуыс кæнын. Уымæй уæлдай ма рæвдæуандæтты радмæ чи лæууы, уыцы сабиты ныййарджытæ хыгъды уавæр зондзысты электрон рады фæрцы.