Biror uyga kirganingizda ilk ko`zga tashlanadigan narsa – gilamdir. U gulqog`oz, uy jihozlari va boshqa dizaynerlik unsurlarini o`zida birlashtirib, yaxlit tugallangan ko`rinish hosil qiladi. Gilamni xonani ta’mirlab bo`lgandan keyingina tanlamang. Uy jihozlari joylanib, gulqog`ozlar devorga yopishtirib bo`lingach ularga mos to`shamani topish juda mushkul bo`ladi. Axir, uning rangi va tuzilishi tayyor interyerga mos kelishi lozim. Dizaynga putur yetkazmaydigan neytral rangdagi yoki sarg`ish gilam to`shash mumkin, albatta. Biroq bu xonaga haqiqatdan betakror ko`rinish bermaydi. Shu sababli, birinchi navbatda gilamni tanlab, undan kelib chiqib xona dizaynini yaratish kerak. Shunda to`shamaga mos uy jihozlari, parda va gulqog`ozlarni tanlash qoladi.