Bugungi kunda ishlab chiqarilayotgan gilamlar bizga cheksiz tanlash imkonini beradi. Ishonchimiz komilki, bu jarayon hech qachon to`xtamaydi va dizaynerlar bizni yangi mahsulotlar bilan hayrtalantirishni davom ettirishadi. Shunday ekan, keling, bizga va uyimizga qanday uslubdagi to`shamalar mos kelishini bilib olamiz.
Gilam ko`zga tashlanmasligini yoki aksincha xonaga kirgan kishining e’tiborini tortishini istasangiz, bir rangdagi naqshsiz to`shamalarni tanlang. Xona kengroq ko`rinishi xohlaganlar yoki qaysi uslubdagi gilam xonaga mos kelishini bilolmayotganlar uchun bu eng ma’qul tanlov. Shuningdek, naqshlarni va hashamatni xush ko`rmaydiganlar uchun bu gilamlar to`g`ri keladi. Bunda, to`shama ko`zga tashlanmasligi uchun devor yoki pol tusiga mosini to`shash maqsagda muvofiqdir. Yotoqxona yoki mehmonxona uchun gilam och rangda, bolalar xonasi yoki oshxona uchun to`shama esa to`q rangda bo`lishi darkor.
