Национ проект «Культура»-йы райрæзтыл Цæгат Кавказы федералон зылды æмæ 2022-æм азмæ пълæнттыл æрдзырдтой дзуапдæттæг министртæ. Æмбырд амыдта республикæйы хицауады сæрдары хæдивæг Тугъанты Ларисæ.
Архайдтой дзы Уæрæсейы культурæйы министрады ахуырады регионалон политикæ æмæ проектон управленийы департаменты директоры хæдивæг Жанна Алексеева, Цæгат Кавказы субъектты культурæйы министртæ, районты æмæ Дзæуджыхъæуы администрациты культурæйы управленийы разамонджытæ. Уæрæсейы культурæйы министрад æмбæлгæ æххуыс кæны Цæгат Кавказы федералон зылды субъекттæн.
Республикæйы хицауады сæрдары хæдивæг куыд бафиппайдта, афтæмæй нацпроекты раззагдæр хæс, ома культурæ алы хъæу æмæ горæты дæр апарахат кӕнын, къухы бафтыд. Нацпроекты иннӕ мадзæлтты тыххæй бæстонæй радзырдта культурæйы министры хæстæ рæстæгмæ æххæстгæнæг Къубалты Эльбрус.