Հայաստանը փետրվարի 23-ին ՄԱԿ-ում ձեռնպահ է քվեարկել Ուկրաինայում խաղաղության մասին բանաձեւի վերաբերյալ, հայտնում է Գլխավոր ասամբլեայի կայքը։ «11 կետից բաղկացած բանաձևի պայմանների համաձայն՝ Վեհաժողովը վերահաստատել է իր պահանջը Ռուսաստանից՝ «անհապաղ, ամբողջությամբ և անվերապահորեն դուրս բերել իր ողջ զինված ուժերը Ուկրաինայի տարածքից և կոչ է արել դադարեցնել ռազմական գործողությունները», - ասվում է հայտարարության մեջ։
Փաստաթղթին կողմ է քվեարկել 141 պետություն, այդ թվում՝ Ուկրաինան, ինչպես նաև այնպիսի երկրներ, ինչպիսիք են ԱՄՆ-ը, Մեծ Բրիտանիան, Ֆրանսիան և Գերմանիան։ Դեմ են քվեարկել 7 երկրներ, այդ թվում՝ Ռուսաստանից բացի, Բելառուսը, Հյուսիսային Կորեան, Էրիթրեան, Մալին, Նիկարագուան և Սիրիան։ Քվեարկությանը ձեռնպահ է մնացել 32 երկիր, այդ թվում՝ Ղազախստանից բացի, Չինաստանը, Հնդկաստանը, Իրանը, Ղրղզստանը, Ուզբեկստանը, Տաջիկստանը, Հայաստանը և մի շարք այլ երկրներ։
Բանաձ7ն ընդունվել է ձայների մեծամասնությամբ։