Կարմիր խաչի միջազգային կոմիտեի միջնորդությամբ այսօր 24 անձ Արցախից տեղափոխվել է Հայաստան, իսկ 19 անձ՝ Հայաստանից Արցախ։ Այս մասին Armenia Today-ին հայտնեց ԿԽՄԿ հայաստանյան գրասենյակի հաղորդակցման և կանխարգելման ծրագրերի ղեկավար Զառա Ամատունին։
Ամատունին տեղեկացրեց, որ բոլորի տեղափոխումը ընտանիքների հետ վերամիավորվելու նպատակով է եղել։
Նշենք, որ Կարմիր խաչի ջանքերով և միջնորդությամբ՝ 2 ուղղությամբ ընդհանուր 296 մարդ է տեղափոխվել Լաչինի միջանցքի շրջափակումից ի վեր։