ՄԱԿ-ի Միջազգային դատարանն այսօր՝ փետրվարի 22-ին, ճանաչել է Լաչինի միջանցքի անարգել աշխատանքի համար միջանկյալ միջոցների անհրաժեշտությունը։ Հաշվի առնելով դա՝ Բաքուն, ընդհուպ մինչև դատական ատյանի վերջնական որոշումը, պետք է, իր պարտավորությունների համաձայն, ներառյալ Ռուսաստանի, Ադրբեջանի և Հայաստանի ղեկավարների 2020 թվականի նոյեմբերի 9-ի եռակողմ հայտարարությունը, ապահովի մարդկանց և տրանսպորտային միջոցների անարգել տեղաշարժը Լաչինի միջանցքով երկու ուղղություններով։ Նման որոշում է կայացվել դատավորների կոլեգիայի կողմից 13 «կողմ» և երկու «դեմ» ձայների հարաբերակցությամբ՝ Ադրբեջանի դեմ Հայաստանի հայցի քննարկման արդյունքում։ Դատարանն արձանագրում է, որ դեկտեմբերի 12-ից Լեռնային Ղարաբաղի և Հայաստանի միջև կապը խախտվել է, իսկ շրջափակման հետևանքները զգացվում են մինչ օրս:
Մասնավորապես, խախտվել է Ստեփանակերտից Հայաստանի հիվանդանոցներ հիվանդների տեղափոխման հնարավորությունը։ Խոչընդոտներ են նկատվում Լեռնային Ղարաբաղ պարենի և դեղորայքի առաքման հարցում, այդ թվում՝ կենսական նշանակության, նշել են ՄԱԿ-ի միջազգային կազմակերպությունում: Միևնույն ժամանակ, ՄԱԿ-ը չի բավարարել Հայաստանի պահանջները Ադրբեջանից՝ Լեռնային Ղարաբաղում գազամատակարարման և այլ կոմունալ ծառայությունների ամբողջական և անհապաղ վերականգնման վերաբերյալ։ ՄԱԿ-ի Միջազգային դատարանը միաձայն մերժել է Ադրբեջանի՝ 2023 թվականի հունվարի 4-ին Հայաստանի դեմ պաշտպանական միջոցներ ձեռնարկելու պահանջը։ Բաքվի պահանջները վերաբերում էին ականապատմանը, որը, ադրբեջանական կողմի վարկածով, իրականացնում են Լեռնային Ղարաբաղում հայկական իշխանությունները։
Հիշեցնենք, որ դեկտեմբերի 12-ի առավոտյան ժամը 10:30–ից ընդհատված է Շուշիի շրջանի Լիսագոր, Մեծ շեն, Հին շեն և Եղցահող գյուղերի կապը մայրաքաղաք Ստեփանակերտի հետ։ Քաղաքացիական հագուստներով մի խումբ ադրբեջանցիներ, կրկին բնապահպանական պատճառաբանությամբ փակել են Ստեփանակերտ-Գորիս մայրուղին: Արցախի պետնախարար Ռուբեն Վարդանյանն գլխավորությամբ ստեղծվել է օպերատիվ շտաբ, որը գործում է 24-ժամյա ռեժիմով՝ Ադրբեջանի կողմից Հայաստանի հետ կապող ճանապարհի արգելափակման հետևանքով ստեղծված իրավիճակում աշխատանքների համակարգման նպատակով: Դեկտեմբերի 14-ից սկսած բողոքի ակցիաներ են սկսվել ՀՀ-ում տարբեր կառույցների ներկայացուցչությունների և դեսպանությունների մոտ։
Լրացուցիչ տեղեկությունների համար այցելեք կայքՀայաստանի նորությունները Telegram-ում