Биыл өңірге дизель отыны әдеттегіден ерте жеткізіледі. Жалпы көктемгі дала жұмыстарын жүргізу үшін солтүстікқазақстандық шаруаларға 73,6 мың тонна жанар-жағар май қажет, деп хабарлайды Qazaqstan Media тілшісі.
Облыстық ауыл шаруашылығы және жер қатынастары басқармасы баспасөз қызметінің мәліметінше, биыл дизель отыны өңірге бір ай ерте жеткізіледі. Павлодар мұнай-химия зауытынан 53 мың тонна, Атырау мұнай өңдеу зауытынан 20,6 мың тонна өнім бөлінді. Бұл мөлшер 4 айға шақталған. Мәселен ақпан айында 18,6 мың тонна әкелінуі тиіс. Бұл дәл қажет уақытта сұйық отын тапшылығын тудырмас үшін жасалған. Жалпы, биыл өсімдік шаруашылығы саласын дамытуға 29,3 млрд теңге субсидия бөлінген.