ՌԴ-ն կասեցնում է մասնակցությունը ռազմավարական հարձակողական սպառազինությունների մասին պայմանագրին
Ռուսաստանը դադարեցնում է իր մասնակցությունը ռազմավարական հարձակողական սպառազինությունների մասին պայմանագրին (ՌՀՍ-3), սակայն դուրս չի գալիս պայմանագրից։ Այս մասին այսօր հայտարարել է ՌԴ նախագահ Վլադիմիր Պուտինը՝ Դաշնային ժողովում արված ուղերձում։ Այս մասին հայտնում է TASS-ը։
Պուտինը հայտարարել է, որ Ռուսաստանը պայմանագրի շրջանակներում աշխատանքը վերսկսելու համար պետք է հասկանա, թե ՆԱՏՕ-ի հարվածային զինանոցն ինչպես է դիտարկվելու։
«Մենք պետք է հասկանանք, թե ինչի են հավակնում Հյուսիսատլանտյան դաշինքի այնպիսի երկրներն, ինչպիսիք Ֆրանսիան, Մեծ Բրիտանիան են։ Մենք պետք է հասկանանք, թե ինչպես են հաշվի առնելու ՆԱՏՕ-ի հարվածային ներուժը»,-նշել է Պուտինը։
Պուտինի խոսքով՝ ԱՄՆ որոշ գործիչներ մտածում են միջուկային զենքի փորձարկումներ անցկացնելու մասին, Վաշինգտոնը միջուկային զինամթերքի նոր տեսակներ է մշակում:
«Մենք գիտենք, որ լրանում են միջուկային զինամթերքի առանձին տեսակների մարտական կիրառման պիտանելիության երաշխիքային ժամկետները։ Եվ այս կապակցությամբ Վաշինգտոնի որոշ գործիչներ արդեն մտածում են իրենց միջուկային զենքի բնական փորձարկումների հնարավորությունների մասին։ Մենք տեղեկություն ունենք, որ ԱՄՆ-ում միջուկային զինամթերքի նոր տեսակների մշակման գործընթաց կա»-նշել է պետության ղեկավարը։