Начальнік аддзела народнай творчасці “Республіканскага цэнтра нацыянальных культур” Святлана Каржук адзначыла, што сёння спадчына нашых продкаў з’яўляецца адным з асноўных фактараў адзінства беларусаў.
- На сайце Рэспубліканскага цэнтра народных культур можна ўбачыць тры календары – народных свят, знакамітых свят і рэгіянальных брэндаў, - расказала журналістам Святлана Каржук. - Што датычыцца народнага календара, то ў ім зафіксаваныя прыродна-храналагічныя веды народа ў выніку спалучэння, узаемадзеяння, узаемапранікнення абедзвюх сістэм. Сёння ў рэгіёнах Беларусі адзначаюць святы і праводзяць абрады, часовая прымеркаванасць якіх адносіцца да царкоўна-хрысціянскіх календароў. Гэта і Каляды – ад Нараджэння Хрыстова да Вадохрышча, Грамніцы, Масленіца, Гуканне вясны, Вялікдзень, Радуніца, Юр’е, Троіца (або Сёмуха), Купалле, Спас, Багач, Пакровы, Дзяды… Адным словам, вялікая колькасць свят і абрадаў. Жывых і своеасаблівых.
Кожны абрад, па словах Святланы Каржук, мае сакральны сэнс і менавіта гэта аб’ядноўвае беларусаў. Прычым не толькі масавасцю.
- Народныя святы ўвасабляюць светапогляд, ідэалы, маральныя каштоўнасці беларусаў, якія вылучыліся ў працэсе станаўлення нашага грамадства. Разуменне іх глыбіні і стунасці, часам на інтуітыўным узроўні, з’яўляецца адным з асноўных фактараў адзінства беларусаў, - падзялілася Святлана Каржук. - За гады сваёй прафесійная дзейнасці я пазнаёмілася з вялікай колькасцю народных традыцый і абрадаў. Кожны рэгіён мае свае брэнды, у кожным куточку тое ці іншае свята адзначаецца па-асабліваму.
У гэтым годзе Рэспубліканскі цэнтр нацыянальных культур планіруе правесці IV Фестываль беларусаў сусвету. З 19 па 24 верасня ўсе рэгіёны нашай краіны будуць прымаць беларусаў, якія жывуць за мяжой, пакажуць ім сапраўднае хараство народных традыцый і абрадаў.