ԱՄՆ նախագահ Ջո Բայդենը Միսիսիպիում տեղի ունեցած զանգվածային հրաձգությունից հետո հրազենային բռնությունը «համաճարակ» է անվանել։ Այս մասին հայտնում է ՏԱՍՍ գործակալությունը։
«Տարվա սկզբից անցել է 48 օր, և մեր երկրում արդեն գրանցվել է զանգվածային հրաձգության առնվազն 73 դեպք։ Մտքերն ու աղոթքները բավարար չեն։ Հրազենային բռնությունը համաճարակ է, և Կոնգրեսը պետք է գործի հենց հիմա»,- ասել է Բայդենը։
ԱՄՆ նախագահը նաև կոչ է արել բարեփոխել զենքի մասին օրենքը:
«Սա ներառում է սպառազինությունների բոլոր վաճառքների վերաբերյալ նախնական ստուգումների պահանջը, մեծ խանութներում գրոհային զենքերի վաճառքի արգելքը, զենքի անվտանգ պահպանման և անձեռնմխելիության վերացման պահանջներ արտադրողների համար, ովքեր գիտակցաբար ռազմական զենք են բաժանում մեր փողոցներում»,- ասել է Բայդենը։
Ավելի վաղ Միսիսիպիում հրաձգության մի քանի միջադեպերի հետևանքով վեց մարդ էր զոհվել, ևս մեկը վիրավորվել էր։ Կասկածյալը ձերբակալվել էր։