Adidas-ը միլիոններ է կորցնում Քանյե Ուեսթի հետ հարաբերությունների խզման պատճառով։ Սակայն ապրանքանիշին հաջողվել է համաձայնության գալ Yeezy սպորտային կոշիկների վաճառքի շուրջ, գրում է pravilamag.ru-ն։
Adidas-ը և Քանյե Ուեսթը համաձայնության են եկել գործընկերության խզումից հետո և նոր գործարք կնքել: Նրանք վերսկսել են իրենց համագործակցությունը, որպեսզի վաճառեն Adidas Yeezy համատեղ շարքի մնացած մարզակոշիկները։ Պայմանագիրը չի ենթադրում նոր դիզայնի մշակում և համատեղ արտադրանքի թողարկման նորացում։
Չնայած այն հանգամանքին, որ Yeezy նոր սպորտային կոշիկների արտադրությունը դադարեցվել է, արդեն գոյություն ունեցող խմբաքանակները միասին գնահատվում են 500 միլիոն դոլար: Դրանք նախատեսվում է ամբողջությամբ վաճառել 2023 թվականին։
Ավելի վաղ սպորտային հսկան խզել էր ռեփերի հետ համագործակցությունը նրա հակասեմական արտահայտությունների պատճառով։ Այդ պատճառով ընկերությունը պետք է լուրջ վնասներ կրեր. Adidas-ը 2022 թվականին Ուեսթի հետ համագործակցությունից հրաժարվելու պատճառով եկամուտների անկումը գնահատել է 250 մլն եվրո և 2023 թվականին կարող էր կորցնել ևս 1,3 մլրդ դոլար: Yeezy-ին բաժին է ընկել adidas-ի ընդհանուր վաճառքի մինչև 8% - ը:
«Թվերն իրենց համար են խոսում։ Մենք հիմա չենք աշխատում այնպես, ինչպես պետք է», — ասել է Adidas-ի գործադիր տնօրեն Բյորն Գուլդենը ապրանքանիշի վաճառքի անկման մասին: Նա նաև հայտնեց, որ 2023 թվականը Adidas-ի համար անցումային տարի է լինելու, և հետագայում ապրանքանիշը կկենտրոնանա մարզիկների հետ համագործակցության վրա, ինչպես նաև կընդլայնի բաշխումը: