Այս պահի դրությամբ Հայաստանի և Թուրքիայի միջև երկկողմ հարաբերությունների կարգավորման շուրջ բանակցություններ չեն ընթանում: Այդ մասին «Արմենպրես»-ի հետ զրույցում հայտնեց ՀՀ արտաքին գործերի նախարարության մամուլի քարտուղար Վահան #Հունանյանը՝ անդրադառնալով հայ-թուրքական հարաբերությունների կարգավորման շուրջ ընթացող քննարկումներին: Հիշեցնենք, որ երեկ #ԱԳՆ խոսնակը հայտարարել էր, որ մի շարք միջազգային գործընկերներ, այդ թվում՝ Ռուսաստանը, հայտարարել են, որ պատրաստ են աջակցել հայ-թուրքական կարգավորման գործընթացին։ «Եվ մենք Ռուսաստանին հայտնել ենք, որ պատրաստակամ ենք առանց նախապայմանների #հայ-թուրքական կարգավորման գործընաց սկսելու։ Երբ և եթե նման գործընթաց սկսվի, բնականաբար, մենք դրա մասին տեղեկատվություն կտրամադրենք»,- ասել էր Հունանյանը։
Հիշեցնենք նաև, որ 44-օրյա պատերազմից հետո ՀՀ և Թուրքիայի իշխանությունները մի քանի անգամ հայտարարել հարաբերությունների կարգավորման ուղղությամբ փոխադարձ ստացված դրական ազդակների մասին։ Սեպտեմբերին Թուրքիայի նախագահը հայտարարեց, թե Հայաստանի վարչապետը Վրաստանի վարչապետի միջոցով իրեն հանդիպելու առաջարկ է արել, բայց, նրա խոսքով, հանդիպման համար Երևանը պետք է հստակ քայլեր ձեռնարկի «Զանգեզուրի միջանցքի» ուղղությամբ։
Լրացուցիչ տեղեկությունների համար այցելեք կայք