Ковид-стационарты цы рынчынтæ ис, уыдоны нымæц 954-ы онг фæкъаддæр. Уый тыххæй фехъусын кодта республикæйы Æнæниздзинад хъахъхъæнынады министры хæстæ рæстæгмæ æххæстгæнæг Тебиаты Сослан. Куыд загъта, афтæмæй бирæ рæстæг рынчындæтты æппынæдзух уыд 1000 адæймагæй фылдæр.
Уæдæ дохтырты æххуыс кæй бахъæуы, уыцы цæрджытæ дæр фæкъаддæр сты. Коронавирусæй рынчынтæн дзæбæхгæнæндæтты ис 1 200 бынаты. Вакцинаци чи цæуы, уыдоны нымæц республикæйы рæзы. Æдæппæтæй республикæйы COVID-ы ныхмæ иммунизаци ацыдысты 186 мин цæрæгæй фылдæр.