Республикæйы сæргълæууæг Сергей Меняйло сси Паддзахадон Советы Президиумы уæнг. Уыимӕ баст сæрмагонд бардзырд бафыста Уæрæсейы президент Владимир Путин. Президиумы Советы сæйраг хæс – паддзахады сӕргълӕууӕджы бартӕн ӕмӕ уагӕвӕрдтӕм гӕсгӕ паддзахадон оргӕнты ӕмархайдӕн ӕххуыс кӕнын.
Президиумы уӕнгтӕ ӕвзары паддзахады сӕргълӕууӕг йӕхӕдӕг ӕмӕ афӕдз иу хатт сӕ бынӕттӕй ивд цӕуынц. Президиум паддзахадон Советы куысты пъланмӕ ӕркӕсы ӕмӕ сбӕлвырд кӕны иннӕ ӕрбадты боны фӕтк. Аргъ скӕны, Советы уынаффӕтӕ куыд ӕххӕстгонд цӕуынц, уымӕн дӕр.