Ирон æвзаг æмæ литературæйæ олимпиадæйы регионалон къæпхæн ацæудзæн 2022-æм азы мартъийы. Ууыл дзырдтой Республикон предметон-методикон къамисы æмбырды. Арæзт у Цæгат Ирыстоны ахуырад æмæ наукæйы министрады хъæппæрисæй. Мадæлон æвзаджы хуыздæр ахуыргæнджытæ ныртæккæ кусынц олимпиадæйы хæслæвæрдтыл, стæй бæрæггæнæнтæ æвæрыны методикæйыл.
Профилон министрады национ хайады разамонæг Нæкуысаты Иринæ куыд фæнысан кодта, афтæмæй ацы архайдæн ахадгæ нысаниуæг ис, уымæн æмæ олимпиадæты фæрцы бирæ дисциплинæты рабæрæг вæййынц курдиатджын сывæллæттæ.
Уымæй уæлдай, фæсивæд се ‘ргом аздахынц ирон æвзаг, литературæ æмæ æгъдæуттæм. Уæ зæрдыл уын æрлæууын кæндзыстæм, олимпиадæты æнтыстдзинæдтæ нымад цæуынц Цæгат Ирыстоны паддзахадон университеты ирон филологийы факультетмӕ ахуырмӕ цæугæйæ.