Төрээн Тывам меңги баштыг бедик даглары
Дөрде саадаан төлеп-чолдуг экер эрлер дег,
Чонувусту, чуртувусту карактап көрүп,
Чоргаар быжыг тура-соруун хайырлап турар.
Кожумаа:
Бодарааны чаяалгазы –
Бот-боттарын каастажыр даглар, хемнер.
Аялгазы сөзү-биле,
Аяннашкан ыры ышкаш, даглар, хемнер.
Эргим Тывам эглип баткан арыг хемнери,
Ээлдек чаңныг, хоюг үннүг чалыы кыстар дег,
Чалгыглары чайынналган агымы-биле,
Сагыштарны хөөн киирип часкарып чоруур.
Кожумаа:
Бодарааны чаяалгазы –
Бот-боттарын каастажыр даглар, хемнер.
Аялгазы сөзү-биле,
Аяннашкан ыры ышкаш, даглар, хемнер.
Мактап-алгап, чурттап ханмас ынак Тывамның.
Маңнык-торгу кеттинипкен тайга-сыннары,
Сула салган суук чаш дег, узун хемнери,
Чуртталганы чаяап берген ада-ием дег.
Кожумаа:
Бодарааны чаяалгазы –
Бот-боттарын каастажыр даглар, хемнер.
Аялгазы сөзү-биле,
Аяннашкан ыры ышкаш, даглар, хемнер.