Дошт Маҳмуди Ғазнавӣ рӯзе,
Дар каф оинаи дилафрӯзе.
Чун бар оина фиганд назар,
Шакли худро ҳақир ёфт магар.
Шоҳро з-он назар гирифт малол
Аз малолаш вазир кард савол.
Шоҳ гуфто, ки суратам на накуст,
Халқам охир чи гуна, дорад дӯст...
Гуфт бо шаҳ вазири накӯхӯ:
"Дорад ин кор чораи накӯ.
Ту макун майли дирҳаму динор,
Моили зар набошу дӯст мадор.
То ҳама халқ дӯст дорандат,
Ба сару чашми худ гузорандат".
Камолиддин Биноӣ.