Найти в Дзене
irystontv

Цæгат Ирыстоны схорзæх кодтой Хетæгкаты Костайы номыл премийы лауреатты

Абон Къостайы гуырæнбоны кадæн арæзт мадзæлттæ цæуынц уæлдай райгонд зæрдæйы ахастимæ. Хицауады хæдзары та схорзæхджын кодтой ирон литературæйы бындурæвæрæджы номыл премийы лауреатты.

Ацы аз Хетæгкаты Къостайы номыл преми лæвæрд цæуы 28-æм хатт. Йæ уæлахиздзаутæ систы поэт æмæ журналист Касаты Батрадз. Аргъ ын скодтой ирон æвзагыл фыст поэтикон æмбырдгонды тыххæй. Премийы лауреттæ ма систы Хъараты Алик, Сихъоты Тимур æмæ Халиты Мераб. Уыдон сæвæрдтой Бæхты театр «Нарты»-йы спектакль «Праздник в горах», зæгъгæ.

Се ‘ппæт лауреаттæн дæр раарфæ кодта республикæйы сæргълæууæг Сергей Меняйло. Куыд загъта, афтæмæй культурон цауæн ис стыр ахадындзинад. Уыимæ ма Къостайы номыл сæрмагонд премитæ «За большой вклад в культуру республики» райстой Бибуаты Иринæ æмæ Кодзырты Жаннæ.