Накъвари чуьхвена вилер
Гьар жуьредин фикир кьиле
Кузва зи чан пехилвили
Ярдин зун гьатнач рик1е
"Вун хьтинбур захъ ава гзаф
Герек тирт1а кьадай зи пад
К1андайвал на тавурт1а заз
Патав къвемир вун зи мад"
Хъверна ярди ягьсуздаказ
Далудик акатна зурзун
Иер зи чин сериндаказ
Завай гафни хьанач жузун
Ч1улав хьана пехилдан чан
Масабурун ярар акваз
И гуж хьанва адаз залан
Сабур амач гиламаз
Регьятдизни экъеч1дач
Шиирар, за фагьумайвал
Хана гуьгьуьл чебни хада
Дуньядиз за къалурдайвал