Къала куьне яб акала
Хьайи жуьре агьвалат
Ахъайда квез шиирда
Гьич к1усни туш им зарафат
Хуьре авай бубадихъ
Кьве гада тир кьветхверар
Хвеши тир кьван бубадиз
Гъанвай тарци бегьерар
Дагъда авай ихьтин адет
Пуд йис хьайила аялдин
Гузвай адаз вичин балк1ан
Лугьуз "Кьегьал ша арадиз"
Балк1андаллай гапур гвай аял
Аман, дидедин рик1 физвай
Вегьиз тежез туьквена кам
Къене накъвар кьурун хъизвай
Бубадизни к1ан я бала
Рик1 гьабрувди ац1анва
Къалур тежез четин хьанва
Жемятдиз рик1, ц1ранва.
Пуд йисавай аялдиз
Кич1 вучат1а гьич чидач
Жендек вичиз муьт1угъ я
Куьчедайни хкиз жедач
"Кьегьалар ина гзаф хьун
Чаз ихьтин кар герек туш
Са вахтунилай фида зун
Лугьудай гаф ава заз, руш"
Ик1 лагьана аждагьан
Акьлу гафар гьазурна
Хуьруьн булах акуна
Папар вили хуьз ацукьна
Диши пекер алук1на
Виликамаз хъвана яд.
Квар гвайбуруз аламат
Аждагьадин малумат
" Я вах - диде - дишибур!
Квез аялрикай хабар туш
Яргъаз мийир куьне абур
Туширвиляй гада вич руш
Садани пуд йиса авай аял
Ракъурдач къецел-къаял
Куь рухваяр я куь панагь
Хуьх абур к1вале анжах.
Пака куьн хьайила кьуьзуьз
Жегьилдан патав фида
Куь итим, тек куь хциз
Герек вичин диде жеда
Ая рухваяр куьне абад
Къакъуд балк1ан чпивай яргъаз
Куь веледрал чан аламаз.
Ч1ехи вахтунда авурай чир
Балк1анарни, душманринни
Гапурдивди гьик1 ядат1а кьил
Хьурай адакай ч1ехи итим
Жеда адахъ къуват къалин.
Са агъсакъал атана
Аждагьадиз лагьана
"Аждагьа, авуна на гъалат1
И булахдал акъатна
Ша ахъайин за ваз са зат1
Хъсан ихтилат кватна
Авач папарихъ итимвал
Итимдиз герек туш гзаф к1анивал
Хъуьтуьл жеда пилтеяр хьиз
Жедач ахпа душман рекьиз
Зи буба тир кьегьал аскер
Михьнай ада ивид вирер
Чакъалар хьтин душманар,
Амачир мад и дагълара
Ам балк1андал ацукьайди я
Гъиле гапур вугайди я
Дяведиз ам тухвайди я
Ц1уд йисаваз хтайди я
Зи бубади лугьудай
Чан хва, жемир кич1е ваз
Къецел алай душмандихъай
Вил алаз хьухь, кич1е хьухь ваз
К1вале авай хаиндихъай.
Квадарда хзандин абур
К1валяй маса гайит1а рик1"
Ик1 лагьана къудна гапур
Аждагьадин хкатна кьил....
Садлагьана хьана и кар
Авахьна иви квай кьар
Кварар гваз атай папар
Шехьна фена виляй накъвар
Итимвал хвена куьзуьда
Иви ала гапурдал
Ят1ани хтана аждагьа
Ава инсанрин арада.